Debate phunlam an thleng, soisel a tam ngai, Democrat caah thawngchia

Vawlei cung mikip nih an zoh duh mi le thei an duh tuk mi voihkhatnak Debate cu tlamtlingtein dih a si cang.A voikhatnak debate an tuah mi cu a soisel mi le thangchiat mi an tam ngai. A voihnihnak cu mah bantuk a si ti lai lo tiah zum a si

Democrat lei nih Joe Biden nih a tei an ti i, Republican lei nih Trump nih a tei an ti. Neutral pawl nih zeitindah an hmuh ning a si ti kha biapi deuh si cang

A voikhatnak Debate ah minute 90 chung bak in President Trump nih Joe Biden cu 75 bak hnahnawhnak a pek. Fox News moderator zong nih voih tampi a thlak lengmang ve. Joe Biden nih Trump su shutup man a ti hnu zong ah Trump nih Blabber blabber a ti peng

Presidential Debate a host / Moderator si hi US Journalists/ Media caah cun a sunglawi tuk mi laksawng pakhat bantuk a si,

Mi tampi nih an ttuan khawh lo mi a si. Natein Debate control khawh lo a cun min chiatnak tampi a si ve. Chris Wallace nih mah bantuk in Debate a control khawh lo caah mi tampi nih soisel le thangchiat a si

Debate commission nih ‘dumpster fire’ lio ah mipakhat nih bia chim lio mi khat buainak a ser piak khawh lonak ding caah Penalty ser an nih tim cang. President Trump nih Debate cu nuam a ti ngai.

Joe Biden lawng si lo in Chris Wallace zong kha a debate pi tiah ruah a si. Presidential Debates voih 2 a um ding mi ah Moderator cu nawlngeinak sang deuh pek an nih tim.

Phunlam an ser thar mi cu Biden bia chim lio ah Trump nih buainak a ser piak a si a cun Trump microphone off piak sing, Cuve bantuk in Trump bia chim lio ah Joe Biden nih buainak a ser piak a cun microphone off piak ding

Joe Biden nih a voihkhatnak Debate kha Amerca caah ningzahtuk mi a si a ti lio ah Trump cu a lawm ngai, mah bantuk in mi pahnih Debate a tuah pi caah,

A chim ning a cun Two on one was not surprising, but fun, ‘Radical Left is dumping Sleepy Joe. Zero Democrat enthusiasm, WEAK Leadership” tiin Joe Biden cu ceilak on a phomh tthan. A voihnihnak le voihthumnak a Chris Wallace cu moderator ah an hmang ti lai lo. Credit- RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Debate phunlam an thleng, soisel a tam ngai, Democrat caah thawngchia"

Leave a comment

Your email address will not be published.


*