Democrat caah mangchia bak si cang. An uar ngai mi Dr. Anthony Fauci nih Trump a vun dirpi cang

Tu lio US thawngpang ah a linsa bik mi cu President thimnak kongah Mail hmangin vote thlak si seh ti le, Ballot box hmangin vote thlak si seh ti kong a si. Mail hmangah President thim cu a him lo, cun lih le hrokhrawl thil tampi a um khawh caah tiah Trump nih a duh lo. November ni 3 ah thatein vote cu thlak khawh a si ko lai tiah a chim

Democrat pawl nih mah bantuk in Coronavirus lio ah hmun pakhat a va kal i vote thlak cu a him lo tiah an chim. Trump nih Coronavirus lio ah vote thlak cu a him lo nan ti ah cun Election hi thawng si ko seh tiah a rak chim lio ah Democrat nih an duh naisai lo

Mah Mail box le Ballot Box kongah tu tiang biakhianak a um lo caah Coronavirus bawmnak kongah an rak passed cang mi zong tu tiang phawt lo in a um ko. Trump ih a tih bik mi cu a thi ciami zong kha Democrat lei nih lih le hrokhrawl in vote an thlak ter ko lai tiah Democrat hna cu a zum khoh hrim hna lo

National Institute of Allergy and Infectious Diseases Director Dr. Anthony Fauci nih a chim mi cu, Trump chim ning bantuk in hmun pakhat ah va kal i vote thlak khawh lonak lam a um lo. Thatein zulh ding mi kan suai lai i, buainak le coronavirus i chonh lo tein vote thlak khawh a si thiam tiin a chim

Dr. Anthony Fauci nih a chim mi cu, “Thatein zulh ding mi kan ser lai i, cun social distancing kan zulh ah cun zeihman tih ding a um lo. Cun Vote hlaknak hmun ah mask kan hmang ah cun. zia vote thlak khawh lonak lam cu a um maw tiah a chim

A chim tthan mi cu, adam lo mi le vote thlak nak hmunah a kal khawh lo mi nih mail box hmangin vote an thlak ah cun thei thiam ding si ko. Natein pumpak in a hmun ah va kal in vote thlak khawh lonak lam pakhat hman a um lo tiah a chim chap. Credit- foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat caah mangchia bak si cang. An uar ngai mi Dr. Anthony Fauci nih Trump a vun dirpi cang"

Leave a comment

Your email address will not be published.


*