Democrat hruaitu pakhat a si ve mi, an uar tuk mi nih Trump cu ka vote hrim lai a ti cang ko, a bia chim mi uar um bak

USA politik boruak cu ngai a nuam chin lengmang cang. Mah bantuk in asi ah cun Democrat pawl caah cung hnung lei in nam chunh bantuk a si ko. Democrat hruaitu nih President Donald Trump a thangthat i vote an tim caah Democrat pawl sin in fakpi in soisel le thangchiat an si, an pahnih in thah tiang an duh hna. Democrat pawl nih President Donald Trump an huat ning le an ti ning vialte cu ka in fiangter khoh lo tiang khi a si. President a min chiatnak ding a si ah cun USA zong hi hrawh dih seh ti tiang khi an duh. Mah bantuk in President an huat lio ah, an mah Democrat chung in President Trump a thangthat tu le a uar tu an um tawn. Mah bantuk in Democrat chungah an um ah cun Democrat hruaitu pawl nih cun an rem lo i, Democrat chungin chuah tiang an duh, cu lawng si lo thah tiang an duh hna.

Democratic Michigan State Rep. Karen Whitsett nih President Donald Trump nih C-19 kongah USA mipi caah rian a ttuan ning cu fakpi in a thangthat, Amah hi Coronaviru ruangah thi dengmang in a zawt ve mi a si, Natein President Donald Trump nih a ka chim ning bantuk in ka zohkhen caah ka dam tthan mi a si tiin a chim. Mah bantuk in Donald Trump a thanthat i, Donald Trump a chim ning bantuk in ka zohkhen caah ka dam tthan ti a chim ruangah Detroit Democrat nih cun Rep. Whitsett cu resolution hmangin fakpi in soisel le thangchiat tiang an nih tim. Mah lawng cu si loin Democrats Michigan Governor nih text hmangin fakpi in a soisel i a phomh chi hna.

Democrat party chungin chuah tiang an nih tim. Mah bantuk in a chungah an tuah bu in Rep. Whitsett nih zeihman tihnak ngei lo in Democrat pawl hna cu fakpi in aphom tthan hna. Mah bantuk thil hi Politik in lak ding a si lo tiin Fox News ah a chim. Mah bantuk in ka cungah an tuah lai ti ka ruat bal lo, thil hmetuk mi a si. President Trump sin ah lunglawmbia ka chimnak pakhat a si ko. Ka lawmtuk tiah President Trump sin ah ka chim mi hi politik zongin lak ding a si lo. Ka lawmtuk ti biafang  hi party pakhat ca lawng a si lo. Mah bantuk in Democrat Governor nih a hrocernak cu a fakter ngai i, Bia hman le dik ah cun zeihman ka tih lai lo. Bia hman le bia dik chim ding in a ho hmang nih ka holh lo ding in an ka ti khaw lai lo, a herh ah cun fakpi in ka doh ve lai tiin a chim

Mah bantuk in Democrat pawl nih Trump an huat lio ah, Democrat hruaitu pakhat nih cun President Trump hi Election ah vote ka pe lai tiah a rak chim. Democrat party caah cung mangchia bantuk khi a si. Georgia State Democrats Rep.Vernon Jones nih a chim ning ah cun Election 2020 ah Democrat nih an huat bik mi President Donald Trump cu ka vote lai tiah a chim cang. Mah bantuk in Democrat a si mi nih President Vote a tim nak ruang bik cu USA mipi caah rian a ttuan mi hi ka lungtling tak tak, mah lawng cu si loin Trump hi minak pawl ca zong ah President tha a si ttin a chim

Mah bantuk in President Trump ka vote lai tiah a chim hnuah  Rep.Vernon Jones cu fakpi in soisel le thangchiat a si. Democrat party nih fakpi in an phomh cawlh. Cucaah Democrat party ka chuahtak lai tiah a ti, natein a hnuah Democrat party in chuah a tim mi cu a letthan. Arungcu Georgia mipi nih thazang an pek ngai caah le kan nih dirpi lai an ti caah Democrat party in chuah lo in Democrat cungah um bu in President Donald Trump a support peng lai tiah a chim. Party nak in ram le mipi an biapi deuh caah, ram le mipi caah fakpi in rian ttuantu ka si caah President Trump hi ka bawm lai tiah a chim. Credit- FoxNews, Detroitnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor