Democrat Mayor a mualpho “Trump a chim mi ka tuah duh lo” tiah a chim hnuah a tuah tthan

Ram le mipi himnak caah thil tha a tuah zawng ah an doh peng caah le an soisel caah Trump caah rian ttuan zong a har ngai. Trump nih US mipi an him khawhnak ding caah fakp in lam  a kawl lio ah Democrat hruaitu pawl tampi nih an doh peng

Trump nih minak pa an thanak hmun Kenosha, Wisconsin state cu tlawn a tim. Mah kongah Democrat Mayor nih fakpi in a doh i, ra duh hla, rian ttuan ding na ngei lo. Keimah nih a her mi poah cu ka tuan ko lai tiah a chim

Natein President Trump nih, US President ka si ning bantuk in ka va tlawn lai tiah a chim. Democrat pawl tampi nih Trump cu buainak le harnak chuapi tu na si tiah fakpi in an soisel. Mah bantuk in mithalo pawl nih thil tampi an hrawk hnuah tu tiang buainak an tuah peng caah Trump a sum duh bak lo i

Trump nih a chim mi cu, mah bantuk in US ram chungah buainak le harnak a ser tu, building tampi a hrawhtu hna hi US ral an si, peaceful protesters an si lo. Mah bantuk mi hna hi domestic terrorists an si” tiin ceilak in a phomh hna

Buainak a tam chin lengmang caah Trump nih Federal palik hna ka vun kuat lai tiah a chim mi a duh lo tu nih, a tu cu Trump bia chim ning bantuk in National Guard hna cu a state chungah dainak serding in a au cang hna

Trump nih a chim chap mi cu, Joe Biden tangah, mah bantuk minung pawl, US caah thilthalo tuah tu pawl hna hi daiter an si khawh lai lo. Biden cu mi thawng lotuk (weak person) a si, mah bantuk in buainak a ser mi pawl a zohkhen khawh hna lai lo. Credit-MSR

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat Mayor a mualpho “Trump a chim mi ka tuah duh lo” tiah a chim hnuah a tuah tthan"

Leave a comment

Your email address will not be published.


*