Democrat pawl an lungre thei tuk cang caah, a rangnak in Capital hill ah kal ding in an ti cang

Tu kum cu President thim kum a si, Democrat pawl nih mail box hmangin vote thlak an duh caah le Trump nih thil thalo tampi a um khawh mi a si tiah a duh lo caah Coronavirus bawmnak caah senate ah an passed cang mi $ 1 Billion cu tu tiang mipi sin ah phawt khawh lo in Democrat nih an tuah.

Democrat party nih cun Mial box hmangin vote thlak a si khawhnak ding caah post sing ah tangka tampi bawmnak pek hna u si ti hi an duh mi a si. Natein mah kongah hin republican lei nih Coronavirus he pehtlaihnak a ngei lo caah a her tiin an cohlan duh lo

Postmaster General Louis DeJoy, nih post hmangin vote thlak a si ah cun November ni 3 ah a phan lo mi a tam tuk lai caah a si khawh lo tiah a rak chim. Mah kong hi ka ttial cang kha Chinpage ah, Na rel duh ah cun kawl law rel khawh in a um ko lai

Mah kongah hin Trump nih Postmaster General Louis DeJoy,  cu American serthan a duh mi “Make America Great Again” a si tiin a thangthat ngai.

Cun Postmaster General Louis DeJoy,  hi Republican caah tangka tampi a bawmtu a rak si caah Democrat pawl nih a thil tuah ning hi an duh lo tuk caah fakpi in an rak soisel

Mah bantuk a si caah Democrat pawl hna cu Capitol hill ah a rangnak in kal i, August 24 ah postmaster general and chairman of the U.S. Postal Service cu bia halnak tuah an duh i a si khawh ah cun a rian n dingter nak lam kawl ding in Congressman pawl hna cu an nih au thluamah nak a si. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat pawl an lungre thei tuk cang caah, a rangnak in Capital hill ah kal ding in an ti cang"

Leave a comment

Your email address will not be published.


*