Democrat pawl an mualpho cik cek cang. Black Lives Matter kong ah an biathli phuan piak an si

Tu lio US ram chungah buainak a sertu hna hi leftist/Democrat pawl an si caah Democrat hruaitu rian ttuan tu pawl zawng an mah le mah karlak ah buainak a chuak cang. Democrat Jonh DeBerry nih a chim mi cu,

tu lio mah bantuk in buainak a ser mi le mipi caah mah bantuk harnak a tuah tu hna hi cohlan khawh a si ti lo. “Zeibantuk minung dah kan si cang” tiah a lungfak ning a chim can

Mah Chinpage ah hin nifatin US thawngpang 4/5 ka ttial peng caah, US thawngpang a rel duh mi nih cun Chinpage hi like/follow vun tuah law, ni fatin US thawngpang 4/5 cu na rel khawh peng lai tinak a si

Tennessee state legislature ah Democrat Jonh DeBerry bia chimnak a ngei lio ah mah bantuk in minung kan si cang mi hi cu khuaruahhar  a si cang tiah bia a chimnak video cu US mipi vialte hmuh khawh ding in langter a si.

Mah Video ruangah Democrat pawl hna cu mual an pho ngai ti alang. A ruang cu mah bantuk in thil atuahtu pawl hnungah Democrat hruaitu hna tampi an um caah a si.

Rep. John DeBerry,  nih house chungah a chim mi cu, mah bantuk buainak a sermi lungput le cozah le business a hrawh mi pawl hna lungput le mah bantuk thil ruangah minung 30 leng an thi cang mi hna hi a daih khawhnak ding caah thatein an lungput kan rem a her cang tiah a rian ttuanti hoi le hna cu a sawm hna

Mah bantuk ah thil thalo le sual a tuah mi hna hnungah thil fiangtein alang mi cu, hruaitu pawl kan lung put hi a si. An mah pawl ruangah kan mah hruaitu lungput vialte kha Mipi nih an hmuh khawh dih tiah a chim

Mah bantuk in Democrat le left pawl nih US ram chungah thil an tuah cang caah le cozah thil tampi an hrawh cang caah le pumpak chawhlehnak fakpi an hrawh piak hna cang caah Democrat Jonh DeBerry hi republican lei pawl thazang a pek deuh cang ti a si.

US ram chungah mah bantuk in buainak le harnak an tawn mi hnungah tangka tampi hmangin a bawm tawn tu hna hi Democrat mirum pawl an si tiah thei a si.  Credit- Christian Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat pawl an mualpho cik cek cang. Black Lives Matter kong ah an biathli phuan piak an si"

Leave a comment

Your email address will not be published.


*