Democrat pawl an sual ning hi cu, Trump nih Supreme Court Judge caah a thim ding mi Amy Barrett cu ceilak in an phomh cang

Democrat pawl hi cu an mak chin lengmang cang ko hi, Trump nih Supreme Court Judge caah a thim lai tiah an zum mi cu ceilak in an phomh tthan hoi cang. Democrat pawl nih an mah sualnak hmuh lo in mi sualnak lawng a kawl thiam mi an si tiah an rak chim tawn mi hi a dik ngai ko hi

Chinpage ah hin, US thawngpang 4/5 ka ttial peng caah, tu lio US thawngpang thei na duh i, rel na duh a cun mah Chinpage hi like/follow vun tuah law, ni fatin US thawngpang 4/5 na rel khawh peng lai tinak a si

Judge Amy Coney Barrett cu President Trump nih US supreme Court Judge caah a thim lai tiah an zum caah Democrat pawl nih ceilak in an phomh/soisel hoi cang. Judge Amy Coney Barrett hi zarte zanlei suimilam 5 ah Trump nih Supreme Court nominate caah a phuan lai tiah zum mi a si.

Dana Houle, Democrat activist, Chief of staff on Capitol Hill to a Democrat lawmaker nih ninga ni/Friday zan ah Trump nih Supreme court caah a thim lai tiah a zum mi cu ceilak in a vun phomh i.

Haiti in hngakchia pahnih hna a lak ning kong dothlatnak tuah hmasak a hau tiah Twitter ah a ttial. Judge Amy Barrett nih hngakchia pahnih cu Hauti in a lak hna. A bia halnak a tuah mi cu, Press nih Judge Barrett nih hngakchia 2 Haiti in a lak mi hna hi dothlatnak an tuah cang maw? A ttial tthan mi cu,

Haiti in hngakchia a lak lengmang tawn mi hna hi phunlam lo in a si tawn. Media nih mah bantuk in dothlatnak tuah hna seh law, cun a dik lo a cun langter in hngakchia phunlam lo in a lak caah a kong cei si seh tiah a ttial chap

Mah bantuk in Democrat pawl nih Judge Barrett kong dik lo ngaiin an ttial caah, Republican tampi nih House cu Twitter ah an phomh i,

Democrat pawl nih zeihman a sualnak an hmuh lo caah le Supreme Court Judge caah nominate a si lai tiah an nih fiang cang caah le an ti caah a sualnak an kawl hram hram mi a si tiah an leh hna. Credit- Breitbart

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat pawl an sual ning hi cu, Trump nih Supreme Court Judge caah a thim ding mi Amy Barrett cu ceilak in an phomh cang"

Leave a comment

Your email address will not be published.


*