Democrat pawl an thinhun an celh lo, An mualpho bak ko cang

US politic kong thawngpang nih vawlei a hninh bak ko, mah bantuk in party pahnih kar lakah buainak heh tiah an ngei caah US cu buu hnih in an um cang. Damter kho a si ti lo tiin mithiam pawl nih an chim cang

Congresswoman Marjorie Taylor Greene nih Democrat pawl hna cu ceilak in a phomh hna, Amah hi Pro Trumpets, Joe Biden Impeachment article House ah a chuahpi tu hmasa bik a si. Republican pawl nih an uar chin lengmang cang

Republicans Freshman Lawmakers ah an uar tuk mi le thawngpang a ngei bik mi si cang. Zarhte Ni/Saturday ah President hlun Trump he caan saupi an nih chawn tiin a chim

Trump he saupi an nih chawn hnuah, Democrat pawl hna cu Twitter ah ceilak in a phomh than hna i, Minung thisen din duh tuk mi minung an si tiin a chim.

President hlun Trump cu heh tiah a dirpi ruangah, Trump zong a cungah a lawm ngai tiah thei a si. A chim chap ning a cun, President hlun Trump cu zungzal in President tha bik a si ti a chim hnuah, Democrat pawl nih amah cu heh tiah an soisel ruangah Trump bantuk ka si cang tiin a chim chap

Trump cungah American mipi 100% zumtlak in kan um. America first ti pakhatnak ah a chia caah a si. President Trump hi nan tei khawh bal lai lo,

A ruang cu amah dirpi tu kan tam tuk. Thisen din a duh mi, thisen ah ti hal tuk mi Media pawl le Socialist pawl nih US hi zeihmah ah an rel lo. US hi an dawt lo tiin a chim

Democrat pawl nih Trump an doh bantuk in atu an ka doh ve cang. Nan sin ah biakamnak tuah ka duh mi cu hnunglei ah ka kir lai lo. Cun ngaithiam ka hal bal hna lai lo.

Mipi caah heh tiah rian ka tuan peng lai. America first hi kan caah cun pakhatnak a si cang. Elected Politician a ho poah nih America first ti pakhatnak ah an chia a cun,

Mipi lei nih fakpi in an dirpi hna lai i an cungah zumnak heh tiah an ngei lai. Democrats pawl nih cun America Last policies hlei ah zeihman buaipi an nih tim lo,

Mah bantuk in US ram chungah i thennak fakpi ah chuak lio ah atu kan hruaitu cu a dertuk mi, zeihman a tuah khawh lo mi, mi ralchia bantuk a si. Mi raltha le pasal kan her hna

Democrats pawl nih Antifa/BLM riots an support hna, Khualipi tampi an hrawk, mei in an khangh hna. Mipi lungfak in an chia hna. Palik pawl an doh.

Democrat pawl nih kum 2020 ah BLM he US khualipi tampi an hrawh. US cu tih nung tuk mi dirhmun an phan ter.

Ka um saw saw lai lo, Mipi caah heh tiah rian ka tuan peng lai tiin  TAYLOR GREENE’S nih a chim. Source-Theepochtimes

Be the first to comment on "Democrat pawl an thinhun an celh lo, An mualpho bak ko cang"

Leave a comment

Your email address will not be published.


*