Democrat pawl an vang sang tuk caah Secretary of State Mike Pompeo taza cuai an nih tim; Aruang cu

US thawngpang cu a linsa chin lengmang cang ko hi, Democrat pawl le Republican pawl cu fakpi in an nih phomh thluamah lio a si. Republican Convention zan 3 nak ah Secretary of State Mike Pompeo cu Israel ram in bia a vun chim

Mah bantuk cozah/federal rian ttuan lio ah Party puai ah bia chim hi siang a si lo tiin Democrat pawl nih fakpi in an phomh. Natein Department 4 nih cun Federal/Cozah tangka in Israel ah a kal mi a si lo, Donors/ tangka tawhtu pawl tangka hmangin a kal mi a si caah phunglama a buai mi pakhat hman a um lo an ti cang

Mah Chinpage ah hin ni fatin US thawngpang 4/5 ka ttial peng caah, US thawngpang rel an duh a cun Chinpage hi like/follow vun tuah law, US thawngpang, nifatin 4/5 na rel khawh peng lai tinak si

U.S. Representative. David Price, a North Carolina Democrat, nih Secretary of State Mike Pompeo cu na thil tuah ning a dik lo, na rian ttuannak Secretary of State in i ding tiah fakpi in a phomh

A chim mi cu, Secretary of State cu politic kong ah a thlak ding mi a si lo, a rang khawh in arian a kal tak awk a si. Cun a khualtlawngnak ah tangka a hmang mi vialte cu pek tthan ding a si. America people nih secretary tha, party dirpi mi a ngei lo mi kan ngei awk a si, tiin a chim.

Mah bantuk in Secretary of State nih Republican party convention ah bia a chim mi hi Democrat pawl nih an tih ngai mi a si. Aruang cu US, Secretary of State nih ram dang in bia a vun chim ah cun a zoh mi an tam tuk lai caah le tu lio politic kongah thil tampi,

minung hmuh ning le ruahning a thleng lai ti an ti caah a si. Democrat pawl nih mah bantuk in Mike nih Israel in bia a vun chim mi kongah taza kan cuai lai an ti cang

Republican pawl nih an chim mi cu, mah kongah hin Cozah tangka a hman lo, mah bangtuk bia a vun chim mi hi amah pumpak caan lawng lio te/personal time ah a si caah zeihman soisel le thangchiatnak ding lam a um lo tiin Democrat pawl hna cu an leh hna. Credit-Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat pawl an vang sang tuk caah Secretary of State Mike Pompeo taza cuai an nih tim; Aruang cu"

Leave a comment

Your email address will not be published.


*