Democrat pawl nih vote fir an nih tim ning kong phuan piak an si

A poi tuk cang, Trump kan tei lai lo tiah fiangtein an thei caah chuanlam hmangin lam an kawl. Thatein vote thlak a si a cun Trump nih teinak a hmuh lai ti kha fiangtein an thei. Trump tei khonak ding caah lam an kawl. Atu cu Mail box hmangin President thim khawh ding in lam on piak a si

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Trump nih Mail Box hmangin vote thlak cu a duh bak lo, mah bantuk in thil kan tuah a cun lih le hlennak tampi a um lai caah Ballot Box hmangin vote cu thlak si seh tiah a chim peng. Natein tu cu a duh mi nih Mail Box hmangin vote thlak a si lai caah Trump zong a lungreithei ngai

New York AM WABC 770 Radio “The Cats Rountable” ah Trump pollster Jond McLaughin kawmnak an tuahnak a fiangtein a chim cang. State pali (4) North Carolina, Pennsylvania, Nevada le New Jersey ah Democrat pawl nih Election cu fir (steal) an nih tim tiah a chim

McLaughlin nih host John Catsimatidis sin ah a chim mi cu, North Carolina le Pennsylvania ah Democrat pawl nih vote thlak tu fiangternak signature cu hlawn an nih tim tiah a chim.

Nevada ah, kum 2016 ah kan sunghnak ah, atu cu polls ah  Biden he kan nih khat cang caah Democrat pawl nih inn kip ah kal i, Vote hna cu kholh an nih tim i, vote hna hi khawikah in dah a ra ti mi zong thei khawh a si ti lai lo tiah a chim chap

Cun Ballot an kholh mi hna cu Democrat pawl lei ah vote ding in an ttial lai i,  mah hnuah thlak an nih tim. Mah bantuk lih le hlennak hi New jersey ah an tuah cang kha.

North Carolina ah nai ah khan i hlennak a um cang i, vote a thlak lo mi zong ballot ah vote a thlak cang tiin a um kha. Cu caah Democrat pawl nih teinak an hmuh khawhnak ding caah a her ning tein lih le hlennak hmangin thil tuah an nih tim

Kum 2016 ah teinak a hmuh lio zongah an rak tih tuk caah lih le hrokhrawl hmangin Trump cu an puh, cu ve bantuk in tu tan zong

Trump nih teinak a hmuh lai ti kha fiangtein anthei caah an ti i, mah bantuk in Election hi fir (Steal) an nih tim mi a si tiah a chi. Source- Breitbart

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.
Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Democrat pawl nih vote fir an nih tim ning kong phuan piak an si"

Leave a comment

Your email address will not be published.


*