Democrat pawl ruangah US um Chinmi tampi nih harnak an tawn ve cang

A poi tak ta, Democrat pawl party hi cu mah bantuk ruangah pei setan party tiah an au tawn  mi cu si. Tu lio USA thawngpang a chia ning cu a zual tuk cang. Florida siizung 150 hna cu ICU ah an khat dih cang ti kong fiangtein mah Chinpage ah ka ttial cang

State dangah Coronavirus a kar ning le a thimi an tam thluamah lio a si i, mi tampi nih rian an ttuan ngam ti lo. Rian zawng a tlawmtuk cang i, rian a tuan duh mi zong nih rian a hmuh lo mi tampi an um cang.

Democrat pawl nih voihnihnka bawmhnak kong an chuahpi, natein mah an chuapi mi cu a tamtuk caah USA cozah dirhmun zoh in mah bantuk bawmhnak cu phawt khawh a si lai lo tiah fiangtein Senate ah bia khianak tuah a si i 1 trillions hi bawm si seh tiah biakhianak an tuah

Mah biakhianak an tuah mi cu  President Trump minthutnak tuah ding a si cang, natein Democrat pawl nih Trump min thut ding mi cu an block tthan hoi

Democrat pawl nih an chim mi cu, a voihkhatnak le voihnihnak ah bawmnak a nga mi pawl sin ah zarfatin dollar 600 December tian bawmh si seh ti an duh. Natein mah bantuk in December tiang bawmh an si ah cun rian a ttuan duh mi an um ti lai lo tiah republican pawl nih an ti

Trump Admin nih cun Dollar 200 si seh, rian an sung hlanah an lakha 70% in bawm si seh tiah an ti. Mah bantuk in Republican pawl nih biakhianak an tuah mi cu Nancy pelosi pawl nih an cohlan piak duh hna lo. Nancy pelosi nih a chim ning ah cun tu tiang Trump admin he i ceinak kan ngei nak ah cun thiltha lei a si.

Nikhat ni ah bia ceinak tuah tthan a si lai. Covid-19 ruangah USA ram chungah rian a ngei lo mi le a sung mi sing ah US dollar 3 trillion bawmh si seh ti hi an duh ning a si. Natein tu dirhmun zoh ah cun 1 Trillion lawng hi US economy nih a bawmh khawh ding mi a si tiah Trump admin lei nih an ti. Credit: VOA

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat pawl ruangah US um Chinmi tampi nih harnak an tawn ve cang"

Leave a comment

Your email address will not be published.


*