Democrat si peng mi, Ohio Truck Driver nih Trump an vun dirpi cang; A bia chim mi uar bak ko

Democrat a si peng mi, republican presidential vote a pek bal lo mi le, Democrats nih an nih bohchan ngai mi nih Trump a dirpi cang ti a chim. Trump a thei fiang mi nih cun an duh thluamah i, Vote an nih tim thluamah ti a fiang cang

Dallas Baptist Pastor nih Joe Biden a vote mi cu, a thlarua setan sin ah a zuar cang mi an si lai tiah a chim, a ruang cu Joe biden cu liberal a si i, nau hrawh a cohlan mi a si hlei ah Nudawk, padawk pawl a cohlan mi a si.

Khrifa, Pathian a zum taktak mi nih cun mah bantuk hi cu vote ngam ding a si lo tiah a chim mi kong mah Chinpage ah ka ttial cang

Tu cu Ohio Truck Driver, Democrat lei ah vote a pek zungzal mi nih Trump vote a tim tiah a chim cang. A ruang cu Trump nih a chim mi poah a tuah. China cuangah um sawh sawh a tim lo.

Joe Biden President a si ah cun China nih a duh poah in a tuah lai tiah a chim. President Trump cu USA caah a chim ning bantuk in a tuah lengmang mi a si,

President ka si ah cun USA companies tampi, ramdang a um mi hna cu USA ah ka au tthan hna lai i, rian tampi ka ser lai tiah campaign lio ah a rak chim ning bantuk in atuah lengmang mi a si.

Joe Biden nih a chim mi poah hi a tuah ding mi a um lo, kum saupi USA hruaitu a rak si cang i, zeihman a tuah tak tak mi a um lo, Ohio mipi caah rian ttuan mi zeihman angei lo, Trump nih cun kum 3 le cheu ah rian tampi a kan ser piak,

Ohio ah zeipoah a tha dih, Coronavirus a thawk hlan ah rian ttuantu ding zong kan hmuh ti lo, a ruang cu mi vialte nih rian an ttuan dih cang caah tiin Ohio truck driver Geno DiFabio nih a chim. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Democrat si peng mi, Ohio Truck Driver nih Trump an vun dirpi cang; A bia chim mi uar bak ko"

Leave a comment

Your email address will not be published.


*