Democrat Vice President, Michigan nih Trump a vun dirpi cang; A bia chim cu Democrat pawl caah celh ding si lo

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Minak nih an uar tuk mi le Democrat pawl nih an nih bohchan ngai mi Michigan Democrat Vice President. Lifelong Democrat tiah au ve bak mi nih Democrat/Joe Biden kaltak in Trump a dirpi ti a vun chim cang.

Mah thawngpang hi Democrat pawl nih an vun thei bak in an lau tak tak. Minak tampi vote ruahchannak an ngei lio ah mah bantuk in minak nih an uar tuk mi nih Democrat pawl a kaltak mi cu an caah thawngchia bak si

Maurice David hi lifelong Democrat ti bak mi a si, Amah hi Flint, Michigan City Council ah Vice President a tuan lio mi a si. Trump cu president a si than khawhnak ding caah ka dirpi cang lai tiah Vice President Mike Pence nih nithum ni ah campaign a tuahnak ah a chim

A chim chap mi cu, “zeibantuk buainak le har caan zong ah Pathian nih a duh poah kha rian ttuan ding in a thim ko hna” President Trump hi buainak serhtu tiah an ti. Mah hi kan chim hna lai, Democrat hi buainak serh tu dik tak cu an si.

Democrat ah um cu ka ning tuk cang. Democrat ah ka rak um peng. kum 64 tiang Democrat ah ka rak um cang. Kum 2016 ah Hillary kha ka rak vote. Tu kum cu President Trump vote ding in tim tuahnak ka ngei cang

Kei hi uncle Tom ka si lo, a ho hman ka si lo, kei cu mi sifak ka si, Community si fak tuk mi ah a um mi ka si. Mi tampi nih an ngei mi tampi an sungh. Trump nih a chim mi, Zei bantuk dah na sungh peng tiah a ka ti.

Minak pawl nih Black live matter an ti mi hi fih nung tuk mi a si. Buainak fakpi an tuah. Mi dang caah harnak tampi an tuah. Trump hi kan huat ngai, natein dollar $1,200 a kan kuat mi cu kan huat tung lo tiah Davis nih facebook ah a chim.Credit-Breitbart

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Democrat Vice President, Michigan nih Trump a vun dirpi cang; A bia chim cu Democrat pawl caah celh ding si lo"

Leave a comment

Your email address will not be published.


*