Democrats Governor 9 nih an tuah mi hi zeitin dah President Trump nih a phising lai ti cu vawlei cung ramkip nih an zoh cang; Pathian nih bawmh hram ko seh

Pathian nih Trump hi dirpi hram ko seh, mah bantuk in President zeirel lo mi Governor hna hi USA  mipi caah ttih nun tuk mi an si. US-ah COVID-19 zawtnak ruangah mi 22,115 an thi cang. A damlo mi hi 560,433 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Atu hi New York khuapi ah minung 189,415 nih mah zawtnak hi an ngei cang i, a thimi dihlak in 9385 an phan cang

Zeitik ah America re-open a si tthan te lai ti mi kongah President Trump le Democrat pawl cu fakpi in an buai cang. Democrats pawl nih USA state ah Governor 9 an ngei hna i, mah 9 lakah 6 nih cun kan state chungah cun kan mah nawl ngeihnak a si an ti cang. President nih an state chungah nawl a ngeihtuk mi an duh ti lo. Mah Democrats 6 pawl hna hi an thin a hun tuk cang i, a ruang cu an state chungah a thimi le a zawtmi an tam tuk caah a si. An mah paruk hi Covonavirus zawtnak ruangah an min zong a chiat ngai cang i, cun a dang pathum Democrat Governor zong an rating a hniam ngai cang.

President Trump nih America re-open nak ding caan cu Governor pawl a chawn hna hmasa lai i, cun a rian ttuanti hawi le a chawn hnuah zeitin dah rian kawng hi kalpi a si te lai ti cu amah nih biachanak a tuah te lai. America cu coronavirus ruangah khuaici a mui tuk caah America dirhmun karhter le thanchonak ding caah Ivanka Trump, Jared Kushner, cabinet secretaries Steve Mnuchin, Ben Carson, Wilbur Ross, & Elaine Chao. Treasury Secretary Steven Mnuchin, Commerce Secretary Wilbur Ross, Transportation Secretary Elaine Chao, Housing and Urban Development Secretary Ben Carson, White House advisers Larry Kudlow, Peter Navarro – U.S. Trade Representative Robert Lighthizer a thim hna

Democratic governors 6 : Delaware, Pennsylvania, New Jersey, New York, Connecticut & Rhode Island hna nih an state chungah a dang in ‘Covid corridor’ ti an dir cang caah, Multi-state database, COVID-19 information share an ngei cang lai i, an state chungah reopening plan zong an mah nih duh ning bantuk in an kalpi ve cang lai

West Coast, lei ah governors Newsom, Jay Inslee of Washington & Kate Brown of Oregon te pawl zong nih anmah nawltein version dang an rak tuah hoi ve cang i, California, Oregon & Washington nih an State  chungah Economic reopening kalpi ning an rak ser ve hoi cang. Mah bantuk in coronavirus ruangah thil zeipoah kha a buai dih cang caah President Trump caah cun zeipoah hi a fawi ti lai lo i, President Trump nih amah nawl in American Economy cu reopen a tuah ngam lai maw ti cu vawlei cung ramkip nih an zoh lio mi a si cang

Be the first to comment on "Democrats Governor 9 nih an tuah mi hi zeitin dah President Trump nih a phising lai ti cu vawlei cung ramkip nih an zoh cang; Pathian nih bawmh hram ko seh"

Leave a comment

Your email address will not be published.


*