Donald Trump nih China a Chawn huam lo ning kong fiang cik cek in a chim cang

Uar lo awk tha lo, paraltha, pasal cu mah bantuk ding hi si ko. Trump nih fiangtein a chim cang, China he an buai ning cu thei dih si cang. Mah Chinpage ah voih tampi ka rak ttial cang kha.

China le US Trade deal zeitindah an kalpi tthan lai ti kong cu ceihmainak ngei tthan ding si cang. Mah kongah Trump nih zeitindah a ruah ning a si ti le, China he i chawn a duh maw duh lo ti a chim mi

Tu lio hi Democrat pawl nih Convention cu ngei lio a si. Trump soiselnak caan an hmang ti bantuk si cang. Bia a chim mi poah nih Trump longte an soisel i, zeitindah US ram hi kan hruai lai tiah mipi tei ding in a chim mi an um lo. Trump an huat ning kong lawngtein chim a si

Polls a thar bik ah Joe Biden nih Trump cu a tei ti lo, Democrat pawl lungrethei in an um cang. Democrat pawl Convention lio ah mah bantuk in Joe Biden le Trump dirhmun a si cang caah, a ra ding mi zarh ah Republican pawl nih Convention an ngei ve lai i, Trump nih Biden cu a tei ngai cang lai tiah expert pawl hmuh ning a si

Trump nih Yuma Arizona lei ah rally a ngei lio a si. China le US Trade talks ngei ding mi cu a canceled dih ti a chim. “China he Trade kongah ceiding mi cu ka canceled dih, China hi ka chawn huam lo. (I canceled talks with China,I don’t want to talk to China right now) tiin a tial

US le China cu February ah phase-one trade deal an rak ngei lio ah khan thla 6 hnu ah cei tthan si seh tiah biachanak an rak tuah. Tu hi thla 6 a si cang.  Chinese Vice Premier Liu He nih U.S. Trade Representative Robert Lighthizer & Treasury Secretary Steven Mnuchin hna cu mah Trade kongah ceihmainak ngei ding a si. Natein US lei nih President Trump nih China he Trade deal kongah China cu a chawn duh lo caah program vialte cu cancel dih a si

President Trump nih “We’ll see what happens.” tiin a ttial than. Tu dirhmun zoh ah cun US le China Trade deal kongah zeihman chim khawh mi a um ti lo. Trump nih China he i chawn a duh ti lo caah zeibantuk dirhmun an phan lai ti cu expert pawl nih mah le zumning chim cio a si. Credit- Twitter

Thawpang rel tu hna, nan zeitin na ruah ning a si, Trump nih mah bantuk in China a chawn huam lo mi hi thil tha a si na ti maw, thil tha lo a si na ti? Comment ah na hmuh ning vun ttial ve

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Donald Trump nih China a Chawn huam lo ning kong fiang cik cek in a chim cang"

Leave a comment

Your email address will not be published.


*