Dr. Lian Hmung Sakhong nih mah ti bak hin a vun chim than cang

CDM le Vakok Lungthin. Chin miphun nih kan miphun hmelchunnak (Chin National Symbol) ca-ah Vakok kan hman.

Vakok hmelchunhnak nih alangh ter mi cu: Kan miphun le kan ram, kan peng le kan tlang, kan u le kan nau,

kan ni le kan far, kan chungkhat le kan cingla vialte cung ah dawtnak, zawnruahnak le aherh ah cun “kan phun kan ni hlam lai”

ti mi “phunhlam” tiang in atling mi, atthawng mi le afek mi dawtnak lungthin (Loyalty) kan ngei, ti nak asi.

Chin miphun nih “democracy” cu kan miphun nih kan hman mi “uk-nak phung” asi lai tiah, 1948 February (20) ah kan nit him cang. Cu caah February (20) cu “Chin National Day” tiah kan ulh, kan lawmh.

Atu, democracy duh lo ruang ah, Mipi sin in “uk-nak nawl” achut mi Ralkap pawl cu; Democracy aduh mi le Chin National Day ahmang mi Chin miphun vialte nih “Vokok Lungthin” in kan doh hna lai.

Atulio ah Ralkap nih Nawlngiehnak an fir mi kan duh lo ruang ah, CDM atuah mi u le nau, nu le pa, kan Chin miphun hawi le Kawlram pumpi in CDM a-au pi mi vialte upatnak kan nin pek hna.

Atu ban tuk lio ah; Chin miphun micheu nih CDM ah ithawh ve loin, itel ve loin, zung nan kai ttheu rih mi hi cu, Ralkap nan ttanh hna bia asi.

Nan u le nan nau, nan hawi le vialte, CDM atuah mi zei ah nan rel hna lo bia asi. Hiban tuk lungthin cu “Vakok Lungthin” asi lo. Cu caah, Chin miphun vialte nih CDM ah itel cio ding in kan sawm hna.

Kan Chinram le Chin miphun ca-ah, kan mah chan long si loin, Chin miphin le Burma ram chung ah a-um mi miphun vialte,

nihin ca long si loin, hmailei kan techin kan fapar ca tiang, khua fakpi kan ruah asi ah cun, CDM ah kan nitel dih hrimhrim ding asi.

Chinram chung ah aum mi, rianttuan tu long si loin, Chinram leng, Kawlram pumpaluk, Union chung ah aum mi Chin mi vialte zong itel dih ahau.

Abiapi bik in, Ralkap le Palek attuan mi Chin miphun vialte CDM ah rak itel dih cang uh, tiah kan sawm hna. Upatnak he,Dr. Lian Hmung Sakhong, (2021-02-26)

Be the first to comment on "Dr. Lian Hmung Sakhong nih mah ti bak hin a vun chim than cang"

Leave a comment

Your email address will not be published.


*