Dr. Pari cu siizung in inn lei ah a lawi cang, a fa le he an in tawn ning cu mitthli bak a tlak ter khawh ko

Sii Inn ah ka riak tiah ka tial lio ah thla a ka cam piaktu vialte nan cungah kai lawm tuk. Sii inn i doctor te rian a chuak mi hna an um. Cun staff pa 20 zong Quarantine in an um. Rian tuantu an i pha zo lo caah le inn i ka chung le an him deuhnak zawn ruah ah sii inn i ka riahnak cu a si. Inn ka phan cang.

Keimah zong ka fa le zong Inn phak cu kaa i ngaih tuk. Tulio pulrai cu ngakchia nih tih tuk ve hna kaw innka bell ka tum bakin ihnak khan ah an zam. Keimah zong bathroom ah ka lut colh. Ka fanu cu a um thim ti lo. Bathroom innka in a ka hngah i “ka nu,ka nu” tiah a ka auh chih. Nuam sup in kan i kup hna.

Chungkhar kan umnak Inn cu kan ke nih meng rel cawk lo kal tak hmanh sehlaw kan lungthin umnak hmun a si. Khual tlawn kan duh hmanh ah innlei kir kan i ngaih khi a zual deuh. Chungkhar inn cu kan tuanbia hram kan thawknak hmun zong a si. Chungkhar inn bantuk cu khuaika hmun hmanh ah um lo an ti tawn khi a tak a si. Tulio bantuk inn erh lio caan ah chungkhar nuam tein um le hman i zuam hna u si.- Dr. Pari facebool

Billy Graham fapa, Franklin Graham Nih Tulio US Sining A Tialmi..Billy Graham techung hi Pathian riantuanmi an si nain US a dawtnak le US caah an i pekchanhnak hi an chimmi lawng si loin an tuahsernak hrimhrim i hmuh khawh lengmang an si. New York khua covid-19 nih faak tuk in a den thawk ka tein New York khua ah amah Franklin Graham pumpak kal in mizaw chanhchuahnak a tuahmi a si. A tanglei cabia tawite hi a Facebook ah a tialmi a si.

Left-wing media timi, CNN le liberal main stream media pawl nih covid-19 ruangah a thi dingmi a hlei hluat in an tam lai tiah tlangtaar in an pho lengmang caah mipi kha a herh lo tiang in thinphang le thlalau in an tuah dih hna. Naite ah CNN nih a tialning ahcun Coronavirus zawtnak thar nih a ra laimi, kum hnih chung cu a kan den rih lai tiah an phuan tik ah Business on a duh lomi democrats state caah cun an hrimnam tha bik ah a hung cang.

Covid-19 zawtnak hi caan zeimawzet cu kan sin ah a um rih lai timi hi cu aho poah nih pom ciomi a si. Human coronavirus timi zong hi phundang in caan saupi kan sin ah a rak um cangmi an si. Asinain rampi le kanmah pumpak cio nih mah Coronavirus ruang le a dangdang pulrai, pandemic ruangah zeitindah nunzia kan thiam lai timi hi kan cawn chih a herh. Vawleicung ah Virus vialte a dih cikcek tiang lungkua chungah a zungzal in kan dup kho lai lo.

Flue kan timi zong hi virus tluk in tihnung mi a si ve, zeitik caan poah a kan that khotu a si. Flu zawtnak nih 2017-2018 chungah American minung 61000 a kan thah. Keimah ka ruahning ahcun economy kan khar dihmi hi covid-19 nak in Americans mipi kan nunnak caah tihnung deuhmi a rak si. Covid-19 ruangah a thimi minung 60000 renglo chungah hin a tam bik a thimi cu zawtnak dang a rak ngei cia cangmi an si. Mah cucu Italy ram nih an tonning in hmuh khawh dih a si.

Heart disease timi lungzawtnak nih tukum chungah American minung 640,000 a kan thah lai tiah ruah a si. Cancer zawtnak nih hin tukum chungah 600,000 a kan thah lai tiah ruah a si. 100% a dikmi thil cu minung a simi poah kan thih dih lai, thihnak in ahohmanh kan luat lai lo. Covid-19 zawtnak thlichia a dai ziahmah, nifatin kan nunnak caah rian kan tuan a herh. Kanmah pumpak pakhat cio iralrin kan herh. kanmah tuanvo a simi, social distancing, kuttawl, hmaihuh te hna hi zaipi sin kan chuah langh caan poah ahcun kan hman a herh tukmi an si.

Tihphannak le launak hna hi minung pakhat cio cungah kan ngamdamnak tiang a hnursuang khomi an si. Liberal media le liberal democrats politician hna nih coronavirus cu President Donald Trump thlaknak caah hriannam tha bik ah hman i tim hna hmanh sehlaw Jesuh khrih kan i bochan i, kan i hngatchan ahcun zeihmanh tihphannak kan ngeih ding a si lo.

Pathian sermi kan si, Pathian nih nifatin kan nunnak ah a tinhmi le a duhnak a um, nifatin kan nunnak hi amah nih a hngalh dihmi an si. Credit- Salai Lairamthang

 

Be the first to comment on "Dr. Pari cu siizung in inn lei ah a lawi cang, a fa le he an in tawn ning cu mitthli bak a tlak ter khawh ko"

Leave a comment

Your email address will not be published.


*