Dr. Sa Sa a sum khawh ti lo, “Pathian sin in a ra mi khuaruahar” a ti bak ko cang

Dr. Sa Sa cu a thei lo mi kan um ti lai lo, Dr. Sa Sa bantuk in Chinram chungah mi sifak le bawm hermi a bawmtawn tu an um hnga maw ti hi bia halnak tam pi a si

Kan thei cia bantuk in kawlram tanghra result cu Ni 9 August ah Ministry of Education (MoE) Union Government of Myanmar nih a phuan cang kha. Chinram cu result a chia bik kan si hoi. Natein thawngpang tha tuk mi pakhat cu Dr. Sa Sa thawngin kum 5 le kum 4 chung bak tanghra failed peng mi nih  tanghra cu tlamtling te in an passed i, khua pakhat cu Dr. Sa Sa thawngin tanghra a passed mi minung pakhat an ngei ve cang

Dr. Sa Sa nih a chim ning a cun, Lailenpi, Health and Hope siang inn ah siang hngakchia 87 an um, mah lakah minung 27 nih tanghra an passed i, minung 7 nih Distinction (D) an ngah. Mah sianginn (Health and Hope) ah siang hngakchia pawl hna hi, khua hmete 35 in an ra mi hna an si. Mi sifal le tanghra a passed khoh ti lo mi hna an si

Dr. Sa Sa nih Pathian sin in a rah mi khuaruahhar a si tiah a chimnak ruang bik cu, Mr. Sahnei, kum 27 a si cang mi, kum 5 chung bak tanghra a phi i, a passed khawh ti lo mi cu Dr. Sa Sa nih siang inn a tuah mi ah ca a cawng ve i, kum 5 hnuah tlamtling tein a passed ve cang

Cun, Mang Thang, kum 22  asi lio mi, kum 4 tanghra a rak failed cang mi zong tlamtlingtein a kum 5 nak ah tanghra cu a passed ve cang. Dr. Sa Sa thil tuah mi ruangah mah bantuk in thil sunglawi tuk mi le thlachuah an co mi Pathian ruangah asi ti fiangtein a lang

cun, Mr Mang Than hi an khua in tanghra a passed hmasak bik an si. Dr. Sa Sa a lawm tuk caah zaan ah it khawh lo in Pathian sin ah lunglawm bia a chim thluamah tiah Dr. Sa Sa nih a facebook ah a tial. Credit- Dr. Sa Sa

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Dr. Sa Sa a sum khawh ti lo, “Pathian sin in a ra mi khuaruahar” a ti bak ko cang"

Leave a comment

Your email address will not be published.


*