Dr. Sa Sa chim mi kha a hmang bak ko cang hi. Covid Phun a buar veve mi Yangon CM le Saya David Lah cungah kawl pawl nih an tuah mi a khat bak ti lo

Dr. Sa Sa nih fiangtein a rak chim cang, mah bantuk in kawl pawl lungput a si ruangah pei UN Assembly tiang a lut pi. Covid Phunlam a buar veve mi cungah kawl pawl lungput a fiang chin lengmang cang ko. Mah kongah Dr. Sa Sa nih fakpi in social media hmangin a ua pi tawn mi kha a rak si

Yangon Chief Minister U Phiu Min Thein cu Covid phunlam a buar ruangah tu tiang thawnginn ah chia a si cang ti thawngthei ding pakhat hman a um lo. Natein kawl ralkap nih Covid phunlam a buar ruangah USDP he tuan ti in CM a sinak in dingter an nih tim. Natein amah rian ttuanti hawi tampi nih an dirpi tthan i, CM a sinak in hlawn a si lonak ding caah fakpi in an nih zuam ve

June 5, Emergency Assembly rorel a dawng ni ah mah kong hi hlutaw ah chiapi a si. Assembly member cheuthum ah cheukhat nih min thut in an ap. Cheuthum ah cheu khat nih min an thu ruangah a kon ghi cei hrim ding a si lai.

Seihkan Township palai (MLA) Pu Saan Kyaw-a nih cun mah hi upadi section 263 ah a um mi a si tiin a chim. Mah kongah hin hluttaw member cheuli ah cheu khat nih min thut nak an tuah caah Yangon CM kong hi cei a si lai tiah a chim

Assembly house chairman nih cun mah kongah hlethlaitu ding mi pawl dir a si hnuah bia le hla cu thei a si lai. Assembly member cheu nih cun July thladawng lei ah Chairman nih Emergency Assembly meeting a si lo ah regular meeting a au hnuah Yangon CM kong hi cei khawh a si lai tiah an chim

Mah Upadi section 263 (a) ah a um mi cu mah ti hin a si. 1. Ram caah zumlonak ngei a si ah cun. 2. Phunlam a buar ah cun. 3. A nunzia a that lo cun. 4. A thiamnak nih a tling lo ah cun. 5. Upadi nih a ti ning bantuk in a tuah ding mi a tuah lo ah cun

Assembly house / parliament member cheuli ah cheukhat nih min sign-in report an tuah mi cu chairman sin ah an ap ding a si. Assembly/ parliament ah cei a si lai. Thiamlo cohter a si ah cun President sin ah theiter a si lai i President nih a rian in a ngawlter lai, ti a si. Credit: Mizzima T.V news.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor