Dr. Sa Sa nih Chinram caah buu (CNU) a dirmi cu lung a hmuituk hrinhrang. Dr. Sa Sa Buu dirmi nih Chinram cu lungkhat in a kal pi cang lai

Kan theih cia bantuk in atu lio zawtnak ruangah, Chinram paletwa khua ah buainak fakpi a chuak caah chin ram caah rian fakpi in ttuan a hau. Mah kongah CNA le Chin cozah lei nih  thil tuah le rian ttuan tak tak a hartuk caah,buu dir a haunak hi a si kho mi thil a si

Dr. Sa Sa nih a chim ning tein ka vun let lai i. “Chin State chungah atu lio biapi ngai mi coronavirus zawtnak ruangah le Southern Chin State chungah ral i tuk ruangah Chinmi a thimi le harnak a tawnmi hi, mipi nih kan tawn mi a si. Mah vialte thil hi Chin National Union (CNU) nih a tawhrel caan a vun phak tikha, vawleicung ramchungah um mi Chin hruaitu dihlak cu Vidio Conference cu Apirl 25 ah tuah khawh a si cang. Vawleicung ramkip ah um mi Chinmi vialte i fun tawn khawhnak Chin Nation Union (CNU) ti min hi keimah nih min ka sak mi a si i Chin leader vialte nih mah min kongah hnatlak pik nak an vun ngei lai ti ka zum i ka duh mi a si fawn caah fakpi in Pathian sin ah thla ka cam

Chin Nation Union level nih a dir ding mi body, min, logo, vision mission le statement le structure vialte sertu ding caah committe dir a si i. Mah committe nih cun May thla dihlei ah tuah ding  in timh tuahnak ngei a si. Vawlei cung nih a kalpi lio mi thiltha Structure tha tuk mi, Presidential Structure hi kan ser khawhnak ding caah CNU level body nih a pawmpi i. Vawlei cungah,a ummi Chinmi vialte i tel khawh ding mi Vice President (1), Vice President (2) le a herh ah cun Vice President 3 tiang tuah ding in le, cun Secretary hi 1, 2 ect tiang tuah ding in timhtuahnak ngei a si i. Presidential Executive tangah Sub Committee le Committe hna hi a herh ah cun regionally le globally in thil a sining zoh in tuah si hna seh ti cu hnatlak pi a si

Tu lio ah mi tampi nih an thipi lio mi chin issue a si mi, southern Chin State ah raltuknak ruangah harnak a tawn lio mi Chin mipi sin ah an herh ning bantuk in zohkhennak cu CNU nih a tuah hmasa ding mi a si ti cu a pakhatnak ah chia a si. Cun daihnak a um khawhnak ding caah road map for peace he a sining bantuk in State level, National, International level nih lobby e advocacy serh ding in timh tuahnak ngei a si. Chin ramchungah thil tampi a tlung tawn mi hna hi CNU level nih body ta a dir hlan ah cun rian ttuan khawh a si lo caah CNU nih body dir hi rem a ti i,Short time humanitarian le long term strategy a si mi peace and prosperity of Chinland CNU nih a tim bik mi a si. Chin kong le Chin sinak ah fakpi in lungthin a ngei mi hna Australia, USA, Europe le Myanmar ram chungah um mi Chin Leader nih thatho ngaiin an rak ngei tawn mi cu atu cu a tlamtling deng bantuk khi a si i, Mah hi a hramthawk lawng si i, Pathian nih a kan um pi lai i Chin issue le Chin Nationalism kongah fakpi in Chin mi vialte le state level, National le International level ah rian a ttuan khawh ding mi hi kan duh bik mi le kan thlacamnak bik a si

Chin Issues le Chin Nationalism kongah Chin National Union level min in bia chim khawhnak kan ngei cang lai caah, atu kan ngei cia mi connections a herhtuk mi US cozah UK cozah, Australia cozah  Japan cozah Western cozah, EU, UN, International Communities ICRC, UNCHR, World Bank, UNFA, WHO, WFP, UNDP, UN Agencies vialte hna hi Chin issues caah a ngantuk mi a rak si cang lai. CNU level kan rak dir khawhnak ruangah Malaysia Chin Refugees issues le Delhi Chin Refugees Issues kongah fakpi in rian kan ttuan khawh lai caah, Cun Chin issue le Chin Nationalism kongah,  ramlengah um mi,chin mi he a pehtlai mi thil vialte tuah khawh a si cang lai caah Chin Issue le Chin Naitonalism kongah hmunkhat te in kan um khawhnak ding caah le Chin unau Kachin state le Mizoram State he petlaihnak tha kan ngei khawhnak lam cu CNU nih a serh khawh lai caah CNU level bia chim mi nih hin Myanmar State lengah um mi Chin unau vialte hna cu CNU nih a tawrel ve cang lai i. Banglades ram chungah um mi Chin mipi hna zong CNU he pehtlaihnak a ngei khawh cang lai i, We are one in Chin timi spirit cu kan rak ngei khawh dih cang lai

Tu cu ahlan bantuk caan kha a si ti lo i, caan dang ah kan um cang, mah bantuk caan a si caah ideas tha, vision tha le i tim mi tha le ruahnak tha thawngngaimi le, State, National le International level tiang bia cei khawh ding in i pehtlaihnak hi a herhtuk mi  asi.  Pathian nih a kan pek mi a si cang caah mah kan nih tim mi vialte hna hi a tlamtling khawhnak ding caah Pathian sin ah fakpi in thlacam bawmh ding in Jesuh min in kan nih sawm hna- Dr. Sa Sa

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

 

Be the first to comment on "Dr. Sa Sa nih Chinram caah buu (CNU) a dirmi cu lung a hmuituk hrinhrang. Dr. Sa Sa Buu dirmi nih Chinram cu lungkhat in a kal pi cang lai"

Leave a comment

Your email address will not be published.


*