Dr. Sa Sa nih Chinram caah saduhthahnak a chim cang

Ka mangah hi ti hin ka hmuh. A khulnuar-hnu bik mi cu pakhatnak a si lai. A hmebik mi cu a lianbik mi a si lai. A sifaak bik mi cu a rumbik mi a si lai. A thazaang der bik mi cu a thawngbik mi a si lai.

Chin State cu kawlram chungah tthangcho lo bik mi State tiah timi a si. Nain chin State cu a thangcho bik mi State a si cuamah mi cu ka hmuh

Chin State cu kokek thilchuak a um lo ruangah a sifaak bik mi a si tiah timi sihmanh sehlaw, Vancung inn a rami fimthiamnak hna cu ai dawhtuk mi tlangcungah a tlak cang caah “Chin Hills” cu mi vialte caah a rumbik mi le aidawh bik le  thluachuak a si lai tiah ka hmuh

Chin State cu fimthiamnak, ngandamnak le khuasak tuntuknak ah thazaang a derthawm bik ti sihmanh sehlaw Chin State cu ram pumpi caah,

a ttha bik mi fimthiamnak a chuahpi tu ngandamnak le khuasak tuntuknak a chuahpi state a si lai nak cu ka hmuh. Pathian bawmhnak thawngin mah vialte thil hna hi a tak in a si

khawhnak dingah hmunkhat te ah ttuan tti hna u sih. Dr. Sa Sa. Pathian, kan ram le mipi caah

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Dr. Sa Sa nih Chinram caah saduhthahnak a chim cang"

Leave a comment

Your email address will not be published.


*