Dr. Sa Sa thongin kawl pawl nih miphun tlawm le Saya David Lah cungah an tuah mi vialte cu UN sin a phan cang

Amen, Halleluiah. Dr. Sa Sa nih Chinram le khrifa caah a rian ttuan ning hi cu a sunglawi tuk hrinhrang ko. Mah bantuk in mi cungah le miphung caah tiah dawtnak he rian a ttuan caah Dr. Sa Sa hi Pathian nih a dirpi in a rian ttuannak ah thlua a chuah lengmang mi a si

Kan thei bantuk in Saya David Lah cu cozah nawl  a ngaih lo tiah sual puh a si ruangah palik nih an tlaih, tu hi thawnginn ah an chia. An chim ning ah cun Saya David Lah hi kum 3 tiang thawnginn ah chiakhawh a si tiah an ti. Natein a kong an ceih lai i, a fiangte lai. Mah bantuk in Saya Savid Lah cungah a tuahtu vialte hna hi cozah nawl bantuk in social distancing a zulh mi an um lo. An tlaih lio ah mipi an tam ning le palik pawl zong kha a fiang ngai kha

Yangon ah 24 ah Buddhist puai an tuah i, Yangon minister le sibawi le phungki tampi cu hmunkhat ah cozah nih phunglam a sermi zul lo in puai an tuah. Natein President office lei in zeiruangah dah mah bantuk nan tuah a ruang vun chim u ti lawng in theiternak an tuah. Mah bantuk in puai ah a kal mi vialte kha tlaih dih ding a si, natein zeihman tu tiang thawng a um lo.

Dr. Sa Sa nih a rian ttuanti hawi British MP, The Baroness Cox of Queens-bury le The Lord Alton of Liverpool UK sin ah thil sining vialte kha a chim dih. Mah hnuah cun British MP  pawl nih UN General Assembly ah an chuahpi cang

UN General Assembly ah an chuahpi mi cu, “Kan ram (Myanmar) chungah ngawlngeitu pawl nih phunglam an ser.  Mah an ser mi hna cu mipi hmaiah an mah lilah nih an zulh lo. Nawlngeitu (Miphun tam mi) hna cu phunglam cungah an duh poah in an um.

Phunglam an ser mi cu miphun tlawm mi pawl thleidannak caah le an cungah dantatnak caah an hmang tawn; Phunglam an sermi cu midang cungah dantatnak ding caah an nih tlaih i, mi phun tlawmmi cungah sualphawtna ding caah an hmang i, mi thleidannak tampi an ngei, mah vialte a fiangtertu bik cu Saya David Lah le a rian ttuanti hawi pastors (5) hna an tlaihnak kong  hi a si. Mah vialte hi UN General Assembly ah cei a si. Credit- Dr. Sa Sa (Thengephesizopost)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor