Georgia Governor nih Signature Audit kong a chim mi ah Trump caah thawngpang ttha tuk mi

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi ka tim bik mi a si. Nifatin US thawngpang 4/5 na rel  khawh peng nak ding caah Chinpage hi Follow/Like tuah ding in kansawm hna

Georgia State Governor Brian Kamf nih Secretary of Sate Brad Raffensperge cu signature audit tuah ding in nawl a pek cang kha (mah kong hi Chinpage ah fiang tein ka rak tial cang kha aw). Mah thawngpang hi foxnews nih an thei bak in Georgia State Governor cu interview an tuah cawlh

Interview an tuahnak ah Brian Porter Kemp nih a chim ning a cun, CCTV nih video camara ah hmangthlak a thlak mi, Fulton country ah vote an rel ning ah hlennak tampi a um ti hmuh a si tiin a chim

November ni 3 zan ah observer hna cu inn lei ah an tin hnuah, ballot tampi cu thleng a si ti kan hmuh i, ka zum ning a cun thil zeipoah tuah dih a si lai i, thil thar special tuk mi langter ding mi a um lai ti ka zum.

Cun, bia halnak tampi a chuah than lai. Mah bantuk in thil a cang mi kong ah, thil a hman ning tein kalpi si tha tiah ka hmuh caah mah bantuk in signature audit tuah kan nih tim mi a si tiah a chim

Georgia ah lawyer/Sihni volunteer mi nih mah video hi senator pawl hmaiah a play hnuah mah thawngpang hi a vun chuak mi a si, Cun vote relnak ah a um ve mi amah le mah a phuan mih nih a chim ning a cun, Ni 3 zan ah khan, vote rel dawngter chung asi lai,

Nan dihlak in, inn lei ah nan tin kho lai tiin hruaitu lei nih an phuan. Republican observer dihlak cu inn lei ah an tin dih, natein polls worker pawl hna cu room chungah an rak um dih, midang inn lei ah an tin dih hnuah polls worker pawl nih a thlih tein vote cu an rak rel than i,

kan lawi hnuah video ah alang ning bantuk in cabuai cu thatein an khuh than i, ballot khawika lei in dah a rat ti thei lo mi tampi cu cabuai ah an chia than tiah a chim

Video zoh than hnuah, Georgia State ah thil dik lo tampi a um ti Georgia Governor nih a thei i, ballot dihlak cu signature audit tuah ding in nawl a chuah tiin source nih a chim. Source-Foxnews

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Georgia Governor nih Signature Audit kong a chim mi ah Trump caah thawngpang ttha tuk mi"

Leave a comment

Your email address will not be published.


*