Georgia Secretary Brad thil tuah ning nih Trump pawl a lauter ngai

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi ka tim bik mi a si. Nifatin US thawngpang 4/5 na rel  khawh peng nak ding caah Chinpage hi Follow/Like tuah ding in kansawm hna

Tu lio thawngpang a linsa ngai mi pakhat cu 2020 election Georgia buainak kong hi a si. Trump Legal Team pawl nih heh tiah lawsuit an ap hnu zongah hlawn piak an si lengmang i,

Court nih a cohlan piak duh hna lo ruangah senator/representative house pawl sin ah thil an hmuh mi heh tiah an phuan hnuah Georgia Secretary of State nih Joe Biden certify a tuah mi cu an cohlan piak duh lo kha

Natein atu hi a voihnihnak ding caah Georgia Secretary nih Joe Biden cu certified a tuah hoi than i, Secretary of state Republican a si mi Brad Raffensperger nih a chim mi cu,

“Vote hlenna a um ti bantuk in heh tiah an chim, phuan lengmang mi ruangah Georgia mipi lung a fakter ngai” tiin a chim.

Atu hi vote voihthum kan rel cang i, an vote hmuh mi hi a hlan ah kan rel cang mi bantuk thiam a si ko, Vote a thleng hlei lo, Tehte tha um lo in, election a dik lo,

vote an fir tiah an chim mi hi zumtlak mi zeihman a um lo tiah a chim chap. Mi tampi nih 2020 elelction hi a hman lo, a dik lo mi thil tampi a um tiah an zum ti ka thei,

natein an chim ning bantuk in thil diklo zeihman a um lo ti fiangter a si cang, fiangternak dik kan ngei fact nih thil sining a langter dih cang tiin a chim chap

Nikhat Ni ah Trump legal Team pawl lawsuit an ap mi cu Georgia le Michigan ah federal Judge nih an cohlan piak duh hoi ti lo.

Georgia state a Trump caah heh tiah a zuam mi Sydney Powell lawsuit a ap mi cu hlawn piak a si hoi than. Georgia state Brad Raffensperger nih , Georgia i thimnak cu a dawngnak kan phan cang, vote a hman mi, legal vote lawng kan rel i, kan vote rel ning hi a dik i a fel ngai i zumtlak a si tiin a chim. .Source- Foxnews

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Georgia Secretary Brad thil tuah ning nih Trump pawl a lauter ngai"

Leave a comment

Your email address will not be published.


*