Hakha ah coronavirus a ngei mi an hmuh mi kha khuaruahhar bak si, mah zat zat hi zeitindah si kho ning?

Hakha quarantine ah coronavirus a ngei mi cungah thil a cang mi hi khuaruahhar bak a si. atangah fiangtein na rel hlan ah na fiangnak ding caah ka vun langter hmasalai

March 20 ah China in a vun zuang i, Zanlei ah Yangon a rak phan. Cun April ni 29 ah mah zawtnak hi a ngei tiah thei a si. March 20 in April ni 29 cu ni 40 bak a rau cang tinak a si. Mah zawtnak hi China ah a um lio ah a ngei lai ti afiang, a ruang cu March 20 hrawng ah cun kawlram ah mah zawtnak a ngei mi hna hi pakhat pahnih hrawng lawng an si. Cucaah China ah a um lio ah mah zawtnak hi a ngei cang lai ti kha zum bik a si. Cuti a si ah cun April ni 29 ah a zawtnak hi hmuh a si caah Ni 40 hnuah mah zawtnak hi a lang tinak si. Mah bantuk a si ah cun quarantine zong hi a caan sauter a hau lai tinak si.

Tlingtein thil sining vun rel chap law a fiang deuh lai… Hakha khualipi ah coronavirus a ngei mi an um cang caah ralrin tein um i zuam hna u  sih. Ralrin hi mah zawtnak in i vennak lam pakhat a um mi long a si cang caah. April 29 ah Hakha khualipi ah China in ara mi nu kum 18 a si lio mi cu coronavirus zawtnak a ngei caah siizungah chia a si.  Amah hi Tiphul khua a si i China ah rian ttuan in a um mi a si.

March 20 ah China in Yangon ah a ra, March 25 ah Kalay a phan. Kalay ah caan saupi a um hnuah April 6 ah Hakha a lut. Hakha ah caan saupi a um hnuah ah a umnak Tiphul ah a kal. A khua Tiphul a phan bak in Tiphul khua Bawi le zumnak lei ah rian ttuantu lei nih Hakha ah rian ttuantu hna an theihter. Cun Hakha ah quarantine ah chia ding in a ra.

Hakha, Na-Ta-La saku, quarantine ah hin April 16 thawk in a um. Hakha Quarantine ah hin minung 13 an um i, mah hnuah atu bantuk in coronavirus a zawtnak hi hmuh a si. Hakha Quarantine chianak ah a um ve mi minung 7 zong mah zawtnak hi an ngei maw ngei lo test tuah an si i, natein an ngei lo tiah fiangternak tuah a si. Kalay in a ra lio ah motor a kai ve mi hna, Hakha ah ni zeizatdah a um, A umnak khua ah a umti mi hna vialte atu hi dothlatnak tuah lio a si. tiah  Social Affairs Minister Pu Pau Lun Min Thang nih a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor