Hakha timit tilaknak kongah Chinmi, a rel mi poah nih an celh bak lo mi le NLD an huatnak ruang bik cu

HAKHA TIMIT TILAKNAK CU KUM-6 CHUNG TIANG AN LIM KHO RIH LOH. FALAM LAIVA TILAKNAK CU KUM-2 CHUNGAH PA-2 AN DIH MANH CANG.( Hi Timit Dam tuahnak ah hin MMKyats-13.7 Billions an hmang. Zeiruangah an dih kho lo!Eihmuar nak a thupmi a um maw?

Kum 2010 President U.Theinsein hruaimi USDP Cozah lio i Chin State CM. U Hungngai chanah khan, Hakha Mipi cawmtu dingah Timit tilaknak cu Kum-2014-2015 Budget ah khan MMK-8.8 Billions hmang dingin Sanctions tuah arak si cang.

2015 ah CM Pu. Lian Luai hruaimi NLD Cozah nih an pelhzulh i, MMK-8.8 Billions nih a deih ti loh an ti ca’ah, Kum 2017-18 budget ah 2.9 Billions an halchap tha’n i an pelhzulh rih. Cu hnu Kum-3 chung Kawl Company pawl he an tuan tha’n i zeitihmanhin an dih khawh lo ca’ah,

tu Kum 2020-21 Budget May thla Ni-4 ah khan MMK-2.00 Billions bak Cozah Speaker Pu. Zo Bawi nih State Parliament House ah a hal chap tha’n rih ca’ah House chungah MP Pu. Aung Lian le MP cheukhat zongnih, cu zet zet Poisa an hmang hnu ah tuchun nitiangin an lim kho rih lomi cu fakpi in NLD Cozah cu an mawh chiat hna. Tuchun nitiangin Poisa an hma’n cangmi hi MMKyats-13.7 Billions hlei asi cang.

Falam nih Laiva tilaknak hi 2018-2019 budget- MMKyats-3. 4 Billions(3462 Millions) in an thawk i, a deih lo deuh ca’ah,2019-20 Budget-ah MMKyats-3.3 Billions pek tha’n an si hnu ah, tu Kum 2020 April le July 19 ah khan Laiva tilak- nak Phase-1 le Phase-2 cu Pu. Mang Hin Dal, Minister i/c Agri/Livestock/Forests etc. nih a hawn piak cang hna.

Hi Laiva tilaknak hi MMK- 7.8 lawng dihin Kum-2 le cheu chungah an lim khawh diam. Hi Laiva tilaknak nih hin Falam khua dihlak dinti Gallon ting-3 in ting-8 tiang a pek khawh dih cang hna lai.

Cuca’ah, zei tin dah Falam khua nih Kum-2 le cheu chungah MMKyats-7.8 Billions in Laiva tilaknak an dih khawh ko na bu’in kan nih Hakha Khuapi tunih hin MMKyats-13.7 Billions hmangin,Kum-6 leng tuchun nitiang kan lim khawh lonak a sullam asi hnga?.

Ruah awk tam pi a um cang. Eihmuar nak a um theu lai ti hi ruah lo awk atha ti lo.Kawl “Thi-Hah Shwe Min” Com.Lt maw, NLD Cozah Ministers/ Officers maw mawh chiah lo awk an tha ti lo. National Anti- Corruption Commission zungah Complain a tuah ngammi kan um rau loh.

Chin State kan Budgets pawl hi van zoh ve hmanh uh. Zei tluk in dah kan Eihmuar i Leiba Mipakhat nih tantuk kan nei ti hi a fiang tuk. State Attorney General maw(စာရင်းစစ်ချုပ် ၊နေပြည်တော်) ah tha te’in hlat hlai a herh ngai ngai mi asi cang.

KUM. HMUHMI( Millions)HMANMI(Million)
2014-15. 45245.873. 143433.17.. 2015-16. 11781.931 130009.62.. 2016-17. 1712.532. 132451.53
2017-18. 142185.37. 155702.08… (April-Sept. 67520.158. 66699.189)…2018-19. 148462.44. 146685.07
2019-20. 164832.13. 164832.13… (Adjustment 171690.53. 171690.53)… 2020-21. 185634.49. 185634.49 . Data Source : JT.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Hakha timit tilaknak kongah Chinmi, a rel mi poah nih an celh bak lo mi le NLD an huatnak ruang bik cu"

Leave a comment

Your email address will not be published.


*