Halleluiah. US State pakhat, Bible an khangh nak ah Rivival a tlung

Kan thei cia bantuk in US State a si ve mi, Portland ah Black Lives Matter pawl nih Federal Court hmaiah Pathian Bible cu mei in an khangh kha. Mah kong hi Chinpage ah fiangtein ka ttial cang kha.

Pathian rian ttuan ning hi minung lei cun thei thiam a si ti lo. Black Lives Matter pawl nih Bible khangh in Pathian Bible zei rel lo in an tuah hnuah tu cu Portland ah Rivival a tlung i, mino tampi Pathian an thangthat i, tampi Bapistma an cang tiah Fox News nih a ttial

Mah bantuk in Rivival a tlungnak hmun hi Waterfront park ah a si. Mah hi Riot to Rivival tiah an au. Sean Feucht, mah Riot to Rivival ah hruaitu a si mi nih a chim mi cu, Calofornia Beaches ah thil a cang hi he a khat,

mipi nih Pathian hla cu an sak i, Mi tampi Baptisma an cang. Thlarau Rivival a si caah mi tampi cu Social distancing zong an thei ti lo i, mask hmang na cang zong an thei ti lo tiah a chim

Mah bantuk thawngpang tha nan sin ah chim hi ka duh tuk hrinhrang. Mah hi Portland in thawngpang tha cu a si.

Pathian ruangah mi tampi cu park ah kal in Pathian sungparnak kan hmuh tiah “Fox & Friends Weekend”  sin ah zarpi zingah a chim. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Halleluiah. US State pakhat, Bible an khangh nak ah Rivival a tlung"

Leave a comment

Your email address will not be published.


*