Hallelujah!! Pathian a um lo tiah a au tawn nu cu kum 32 hnuah a pianthar; Thil sining

Amen. Amen, Zumtu caah thawngtha ngai mi pakhat, tu lio a linsa ngai mi. Pathiam a um tiah a zum lo nu, kum 32 a si cang mi nih a voihkhatnak ding caah Pathian sin ah thla a cam ve cang. Mah bantuk in Pathian sin ah thla a cam nak ruangh cu Pastor pawl bia chim a ngai ruangah si lo

Tiktok ah “God/Pathian” movies a zoh mi nih a lungthin a thleng dih. Amah hi kum 32 mino a si. Amah hi Pathian zum lo tu a si. Amin cu Falicia ti a si. Tik Tok ah a min cu “inkydoeshair,” ti a si

US ah Tik Tok cu dawngter ding in Trump nih min thutnak  tuah cang. Tik Tok hi Microsoft lei nih an cawk lo ah cun le US company dang nih an cawk lo a cun September thawk in cun US ram chungah hmang khawh a si ti lai lo.

Mah bantuk a si lio ah ma nu nih Tik Tok ah Pathian movie a zoh nak in Pathian lei ah piantharnak nun a vun ngei mi cu thawngtha ngai a si

Mah “Pathian/God” video a zoh hnuah a ahlan a zumnak vialte kha a thleng dih, cun Christian si a duh tthan. Pathiam zum mi a si lo caah zeitindah Christian si ning kong a thei lo, Ca a ttial mi cu, “Christian si ka duh, Pathian nih ka lungthin a ka thleng piak dih, zaangfah in ka bawm hram u, zaangfah in mah bantuk bia khianak ka tuah ruangah ka soisel hla u’ tiin

A chim ning a cun, a hnakchia lio a cun khrifa a rak si ko, natein ahnuah Pathian a um lai ti  a zum khoh lo caah Atheist/Pathian a um  tiah zum lotu a si

Mah bantuk thawngtha a si mi  Daniel Darling, senior vice president of the National Religious Broadcasters Association Ca Uk tha ttial cu, “A Way with Words: nih a kong a vun thei tikah, a ttial mi cu, Social media kan ti mi zong hi Pathian rian ttuannak le Pathian sungparnak caah langter khawh a si

21 Century ah Pathian nih a kan au, a luancia kum 1950 bantuk ah kan dir tthan ding a si ti lo. Bia kan hal ding mi cu mah bantuk Social media hi zeitin dah hmailei kar hlannak caah kan hmang lai ti hi a si, tiin. Credit-Christianpost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Hallelujah!! Pathian a um lo tiah a au tawn nu cu kum 32 hnuah a pianthar; Thil sining"

Leave a comment

Your email address will not be published.


*