Hmawngtlang khua nih Leitak Khua cungah an thil tuah ning hi khuaruahhar thil a si cang

April 22 ah hnahnawhnak a ummi Leitak inn ṭheh dingin April 28 ah Hmawngtlang khuabawi Pu Van Biak Thawng hruainak in Hmawngtlang khuami tam ngai nih Leitak ah an va kalhnawh hna. Hmawngtlang ah rian a ngeimi palik zong Leitak a kalmi ah an i tel ve. Hi inn hi 2017 ah rak sak ciami a si i 2018 August 18 ah Chin State General Administrator U Kyaw Soe nih sak dingin a cohlan cangmi inn a si.

Leitak ah security ṭuanvo pekmi palik hna le Covid-19 ruangah Leitak khua luhnak haukaa (gate) a cawngtu mino hna nih an kham hna. Hmawngtlang lei nih an hrocer hna i palik nih kir uh an ti hna nain an kir duh lo. Inn tiang cu kan kalter ko uh tiah Hmawngtlang lei nih an ti i Palik nih cunglei ah phone kan chawnh hmasa hna lai an ti, phone line a um lo caah an chawn kho hna lo. Khua chungah cun an lut i inn cu an va zoh. Inn cu ṭheh hraw loin an kir ṭhan.

 

Atu Covid-19 ruangah mibu in um lo ding timi phungphai zong cozah lei in chuah a si nain Hmawngtlang khuami tam ngai nih a bupi in Leitak khua an va luhhnawh hi phung he zong aa kalh ngaingai. Leitak khua ram ciacia le hmunhma ciacia i gate a cawngmi hna kut dong in va sawh in va hrocer zong hi thil dawhcah lo ngaingai a si.

Hmawngtlang hi Leitak ram chungah khua a sami an si ti cu hngalh dihmi a si. Nihin ni caan tiangah hin Leitak sinah an thiltuah ning le an cawlcangh ning hi hruhru hranghrang ngai in a si lengmang. Ref- Bawi Bik Thawng

Note: Side A lawng kan thei, Sibe B hi kan thei ri lo caah Side A le B thei hnuah ca reltu nih decision cu nan tuah te ko lai.

>Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Hmawngtlang khua nih Leitak Khua cungah an thil tuah ning hi khuaruahhar thil a si cang"

Leave a comment

Your email address will not be published.


*