Hna a ngam tuk ee!! Henry Van Thio nih mah bantuk dirhmun sunglawi a co tthan ah cun

Thantlang Township- CNLD Chairman, Pu Lal Maung Cung nih CNLD in “Amyotha Hluutaw” icuh a duhmi nan um ahcun min pe ulaw, a lawng e” tiah voi 2 a thanh cang. Aho nih an cukha rih lo. Thantlang Peng ah Amyotha Hluutaw hmun cu Pu Henry Van Thio caah ruah cia bantuk a si caah a si kho men.

NLD lei in aa cuh dingmi an thim cuahmah hna. A fiang zong maw, a ifiang cang. Asinain Vice President Henry Van Thio cu Amyotha Hluutaw in aa cuh tthan lai tiah an chim. A ruang cu NLD thiam nih Union ah Cozah an ser ko lai caah Pi Suuh Nih Cabinet hmunhma a pek than ko lai tiah hnabeiseinak an ngei. Cucaah, Pu H. Van Thio hi kianh lawlaw hi an lung ah a um deuh caah a si kho men.

Pyithu Hluutaw tu ahhin CNLD nih fakpi in tanlak an itimh. Cucaah, tulio mino nih an uar ngaimi Salai Ceu Bik Thawng cu aa thawh hnik nain, CNLD Chiarman Pu Lal Maung Cung nih amah caah aa ciah diam cang caah a lawng ti lo tiah biathli an chim. NLD le USDP lei in a rak izuam dingmi hi Pu Lal Maung Cung nih a ngamh pah hna caah a si kho. (CNLD offical thawngthanhnak a um rih lo caah aa thleng khomi thil a si rih)

Chin State PM caah hmun 2 a lawngmi ahhin USDP lei in Dr. Hmuh Thang cu a dir tthan lai. Laimi ah pabik in kan ruahmi a si tikah an tei kho te hnga dek maw! Opposition ah a thu thiam ding ahcun, Thantlang caah a fak tuk lai an ti ahcun, tutan cu NLD lei zong ah maw an mit an chiah te. CNLD lei in ahodah an rak dir ve te lai? A dir dingmi pumpak cung zong ahhin mipi nih an mit an chiah te lai. Cucaah pumpak kha biapi ngai an si ve lai. By-Zasang Cinzah

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor