Holhtheihlo kongah cun Dr. Aung Myint Thang cu a mualpho bak ko hi; A fianglo ning a lang chin lengmang ko cang

A fiang tak tak, mah bia hi cu Dr. Aung Mying Thang zong nih leh i tim ti hla seh, Mah bantuk in fiangter hnuah a leh lengmang ah cun a fiang lo chin chin tinak a si ko. Mah le nih tep lo ruangah soisel le thangchiat hi a mi fim um tuk ning zong a si lo.

“Holh Theih Lo ( Unknown Tongue ) Mizaw damnak ( Healing) kan ti mi hna hi, Nangmah nih na tep ve lo ah cun Zumh Khawh a har Ngai. 1997 kum Yangon ah Bible Student pawl bia kan rak ni el hna. TLANGLAWNG ( train) a hnu lei ah ai thawn kho a ti mi kei mah lawng ka rak si. Ai thawn kho loh a ti mi an za tein an si. A hnu lei ah (Noh a soh kho) ai thawn kho tiah 100 percent in ka dir ngam nak le ka chim ngam nak cu kei mah te nih ka hmuh ka tep caah asi.

Healing le Unknown Tongue a um ko, a hman ko tiah na chim ngam na dirpi ngam nak ding ah cun nangmah te nih na tep a herh. Pom mi ai dan ruangah kan buaipi ding cu asi lai loh. Khrih zumh le A thawngtha bia karhter nak tu ah fak piin kan buai deuh awk asi”. Cred-Peter Ngun Za Cung.

Zeitikah Dah CHIN MIPHUN NI hi Chinramah Zung Khar Ni Asi Te Hnga- Salai CBT>>

Hmasa bik ah tutan ‘Chin Miphun Ni’ tawlrelnak ah rethei thabami Thantlang khua upa hna le mipi nan dihlak upat kan pek hna. Nizan ah Thantlang ka phan i nan cawlcanghnak le pumpeknak tampi ka hmuh caah kan lawmh tuk hna. A bik in, CNF biachimnak an ngah khawh nakding caah Yangon tiang kal in nan chimrelnak Bawipa nih a tlamtlinter caah kan lung ai lawm. Amahbelte, lung cu a fak hringhran ko. Zeitik ahkhin dah kan Miphun Ni (CND) hi Kawl bawi pawl hnatlaknak lak hau loin, zalong tein le diriam tein kan tuah khawh ve te hnga? Zeitikah dah agenda hna hi kanmah duh tein kan suai khawh ve te hnga? Zeitikah dah Chin Miphun Ni hi Chinram ah zungkhar ni (public holiday) ah kan ser khawh ve te hnga? Laica hmanh in kan tial kho rih lo si kaw.

Falam Civuipi in aa semmi CND timi a muru cu ‘Chin miphun nih kanmah tein uknakphung (political system) kan ithim ni a si. Feudal (chieftainship) system hlawt in democracy system kan ithim ni a si. Cucu miphun mahte khuakhannak nawl kan timi ‘the right to self-determination’ cu a si. Mirang kut in kan luat ni menmen asi lo, ramukphung kan hlawt ni menmen asi lo, democracy kan ngah ni menmen asi lo hih. A muru le a thlarau(the essence and spirit) taktak cu miphun mahte khuakhannak(self-determiantion) kan ngah ni a si. Mirang kut in Kawl kut ah kan miphun covo a sungh hlante, can tawite, caankarlak chung mahte kan rak ngah nican a si. (Federal timi hi self-determination chung i pakhat men a si).

Cucaah CND a muru le a thlarau hi philh hlah usih, cawhpolh hlah usih. Bawi don ni men a si lo. Sa ei ni men asi lo. Lai thuam hmuhsak ni le laamkui ni menmen asi lo. Khuaram thanchonak (development) lamsialnak menmen asi lo. Kha pawl nihkhan phen hlah seh, vaivuanh hlah seh. Miphun ah a zawmi kan si hih. Kan him lo. Mahte khuakhannak khua kan khirh than khawhlo ahcun tuhnu kum 50 ah kan tlau lan lai—afiang ko. Kan dothlennak lam canceo lawng kan kal rih hih. Miphun ah kan tum ruh usih. Thanchonak le zeimaw supsap menmen nih fawituk in kan lungawiter hlah seh. Kan lungmawnter hlah seh.

Tuan Thantlang tuah dingmi CND hi hlunghlai ko seh. Mahbelte– Ramhunbawi pawl tampi an rat ruangah, mawtaw tampi a rak tlun ruangah, ur-er ruangah,kan diriam menmen hlah seh. Miphun Ni canhmangtu (agenda) hmanh mahte biakhiahnak nawl a ngei rih lomi miphun kan si i Miphun Ni hmanh mahle faiceukulh ah zungkhar ni ah a ser kho rih lomi miphun— a luat lomi miphun— kan si rih, timi thei bu tein (lungfak buin) CND hi hmang hna usih. Credit- Salai Cen Bik Thawng

Zeipaoh hi acaan lio te ah chimrelmi nih mi thinlungah rian a tuan i hmual zong a ngei khun. Tutan ah Salai Ceu Bik Thawng nih Chin Miphun Ni kong he aa pehtlaiin a chimmi bia hna hi tha tein rel i ruah ko ah cun, kanmah Laimi/Chinmi nih kan nisunglawi CND hi cozah nih Chin Holyday pakhat ah a kan pompiak khawhnak dingah cun a fawi lai lo. A ruang cu kanmah kan holh, kan ca hmanh hmang duh loin kawl ca rumro in CND ni tai tai ah kan tialmi nih hin kan ruah phak loin sullam a ngei. Mah ca le holh hmang hleng tunglo ah cun Chin National Day hi Chinmi caah Holiday ah cun an kan pom piak lai ti zumh a um ti lo.

Be the first to comment on "Holhtheihlo kongah cun Dr. Aung Myint Thang cu a mualpho bak ko hi; A fianglo ning a lang chin lengmang ko cang"

Leave a comment

Your email address will not be published.


*