IS hruaitu pa nih an fanu a tlaihrem tawn i a thah mi le Trump kong an chim mi nih US a hninh bak ko

Tu lio US thawngpang a linsa ngai mi, a nu le pa nih an philh khawh lo mi le Obama zeihman a si lo ning le a ralchiat ning alangnak tiah mi tampi nih an soiselnak le  mah lio kum 2015 ah Trump kha President rak si seh tiah an duh ning an chim mi nih US a hninh bak ko

Chinpage ah nifatin US thawngpang 4/5 ka ttial peng caah, US thawngpang na rel duh ah cun mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Kum 2015 ah American aid worker Kayla Mueller, cu ISIS pawl nih ceilak in a thi tiang an tuk/velh/phomh. Obama administration nih US citizen nu Kayla Muller khamhnak ding caah zeihman rian ttuan mi an ngei lo. Kayla Muller a nu le pa lungthin tu tiang a dam khawh ti lo

Carl & Marsha Mueller nih a chim mi cu, “Raltha tein ka chim ngam mi cu, Trump hi kum 2015 ah president rak si cang sehlaw, Kayla hi damtein tu ni tiang kan sin ah a um peng ko lai. Obama administration nih kan fanu Kayla khamhnak ding caah fakpi in an nih zuam bantuk in an chim i, natein zeihman an tuah tak tak lo,’ tiin a chim

Kayla, international aid worker hi Syria ah kum 2013 ah IS nih an tlaih mi kha a si. kum 2 leng an sin ah an chia. Kum 2015 ah fakpi in IS nih an velh/tuk hnuah a thi ti thawng thei a si. IS pawl hna kha mi ralchia, Muslim pawl fakpi in thazang a petu Obama nih a ngam hna lo

Trump President a vun si hnuah IS hotu bik Al Bagdhadi cu fawitein a thah. US official nih an langter ning ah cun Kayla muller kum 26, IS nih kum 2 an tlaih cang mi cu IS leader Abu Bakr Al Baghdadi nih a rak tlaihhrem tawn ti a si

Carl Muller, Kayla pa nih a chim mi cu, kan fanu khamhnak ding caah President Barack Obama kha kan zum ngai, kan zumnak vialte a cungah kan chia dih, Kayla khamhnak ding caah fakpi in rian kan ttuan lai tiah a ka chim. Natein rian ttuan tak tak lo in an thawng lengmang. kum 2 hrawng (18months) IS kutah a um hnuah a thi ti kan thei. Tu tiang a ruak zong kan hmuh khawh ti lo

The Trump team nih hnangamnak, kan hmuh bal lo mi an kan pek, The Obama administration nih an tuah khawh mi vialte an tuah tak tak maw?  The Trump administration nih cun an chim mi poah an tuah dih.

President ve ve an si, natein an rian ttuan ning le US an dawt ning an dang tak tak! Al-Bagdadi tha a si hnuah bia kan thei mi cu, America  ralkap pawl nih August 14, Kayla’s birthday  cu “mission Operation Kayla Mueller’ tia an phuah. kan nih lawm ning kha chim khawh a si lo.”

Kan chungkhar nih Trump kan dirpi nak ruang hi amah ruangah si lo, mah bantuk president, mah le citizen caah rian a ttuan mi le zawng a ruahmi, America dawtu kan ngei mi hi mi vangtha kan si

America nih a holh khawh mi lawng hruati kan her lo, a chim ning bantuk in rian a tuan tu kan her deuh. Kum 2015 ah IS nih Kayla muller ruak caah 5 million Euros a chungkhar sin ah an hal hna. Natein pek an si l0. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "IS hruaitu pa nih an fanu a tlaihrem tawn i a thah mi le Trump kong an chim mi nih US a hninh bak ko"

Leave a comment

Your email address will not be published.


*