Jesuh kong chim loin ka um khohlo atimi Missionary pa an tha ning cu zaangfah a si tuk hrinhrang

A poi tuk e, Jesus kong chim lo in a um khoh lo mi pa, India ram ah missionary pakhat cu Pathian bia chim lo in ka um khawh lo a ti caah meithal kah nak in a thi

14 July,2020, India, Gadchiroli District, Madiya miphun sin ah Mission rian a ttuan mi, Missionary David Jacob-a cu a umnak khua Community nawlngeitu hna nih voihnih tiang Pathian bia chim ti lo ding in ralrinnak an pek hnuah  Jesuh kong a chim peng caah a voihthumnak ah cun meithal in thi lak in kah a si cang

David Jacob hi fa 3 a ngei mi a si. Nu 2 le pa 1 an si. An umnak khua ah Pathian thawngtha a chimnak thawngin minung 18 nih Jesuh cu an zum i, anupi nih a rian ttuannak ah fakpi in  bawmh

An umnak ah hin Pathian nih a hmang ngai mi a si, a thawngtha chimnak ruangah zumlotu tampinih Jesuh cu an zum thluamah i, a rau hlanah khrifa zong an tam ngai.

Mah ruangah an khua, missionary a ttuannak ah community leader pawl nih Pathian thawngtha chim ti hla tiah voihnih tiang  ralrinnak an pek cang.

Natein Jacob nih, Jesush zulhtu hna nih an chim ning bantuk in, kan hmuh mi le kan theih mi hi chim lo in kan um khoh lo” an ti bantuk in, Jacob zong nih Jesuh kong hi chim lo in ka um khoh ve lo a ti i, Pathian thawngtha chim ding in a chuak tthan. Mah hnuah Community leaders pawl nih meithal in thi lak in an kah tiah thei a si. Credit- Morning star

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor