Joe Biden a buai ve cang; Ngaithiam na hal awk hrim hrim a si an ti ve cang; Aruang

Bia hi chim sawh sawh ding a si lo ti fiangtein a lang. Na bia in thiam na co lai i, na bia thiam thiam in thiam lo na si lai ti kha Bible ah a rak um cang kha. Minung hi kan tawn ding mi kan thei lo caah holh tamtuk in bia chim lo hi a tha bik ko

Mah Chinpage ah, nifatin US thawngpang 4/5 ka ttial peng caah, US thawngpang thei le rel na duh a cun mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

President Trump le Democrats Challenger Joe Biden cu, Tuesday/Nihnih ni ah Cleveland ah, Presidential Debate Battle ropui tuk mi an ngei cang lai. Mah hi US lawng si loin Vawlei cung ramkip nih an zoh lai ti zum a si.

US Democratic Presidential Candidate Joe Biden nih President Donald Trump nih pumpak in ceilak in a soisel thangchiat caah lih le hrokhrawl in a soisel than lai tiah a zum ning a chim i, Donald Trump cu Nazi Propaganda Chief Joseph Goebbels he a tachun

MSNBC Saturday, ah Joe Biden nih a chim mi cu, Debate hartuk mi a si lai. Ka zum ning a cun, Attack tih nung tuk mi a si lai. Donald Trump nih mi thawng lawng a thiam. Debate ning zong a thiam lo.

Foreign Policy le Domestic Policy a thleidang kho lo. Goebbels bantuk a si. Lih chim le pumpak in mi soisel lawng a thiam. Zeihman thil thar ruah chan ding mi a um lo. America Economy tha tuk in ka ser than lai tiah a chim

Joe Biden nih Trump cu [Joseph] Goebbels, bantuk a si tiah a chim caah The Republican Jewish Coalition pawl an thin hun tuk cang. RJC Executive Director Matt Brooks, “Debate ah phunlam bantuk zong a um lo. Debate na tuah tih ding mi Nazi bantuk in na ta chun mi nih na lungput that lo ning a langter.

Politics ah hin Holocaust maw Nazi kong chimnak ding pakhat hman a um lo. Joe Biden nih hin Holocaust/ Nazi/Goebbels  kong ah a lungput ah thil thalo lawngte a rak ngei ti hi a thei ve ko lai. Joe Biden nih mah bantuk in holh tha lo tuk mi le fih nung tuk mi a hmang caah NGAITHIAM HAL HNA SEH  tiah a chim. Credit- RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden a buai ve cang; Ngaithiam na hal awk hrim hrim a si an ti ve cang; Aruang"

Leave a comment

Your email address will not be published.


*