Joe Biden a chir tuk chan. A bia a let than cang. Trump nih ceilak in a nihsawh

Democrat presidential primary debate ah President Biden nih Asylum policy kong a chim I, a Chinmi bia cu illegal migrant US chungah rah u, mah pawl hna bia le hla hi kan ruahpiak hna ding a si cang, tiin a chim

Mah bantuk mi kan zoh khen mi hna hi ram pumkhat kan sinak cu a si, sifak, zei rello, dirhmun thalo pawl hna hi kan zokhen i dirhmun tha an phan khawhnak ding caah nan dirhmun a chia tuk mi hmun in vun chuak cang u tiin 2019 debate moderator Univisions Jorge Ramos sinah a chim

Mah bantuk in southern border ah phunglam loin US a rah mi an tam tuk cang caah, buaipi cawk lo an si cang, US le Mexico ramri ah rian ttuantu pawl nih harnak tampi an tawn cang. An tamtuk cang caah border ah rian tuantu pawl nih harnak tampi an tawn cang.

Mah bantuk thil a cang mi hi Republican lei nih Joe Biden nih biakamnak a tuah ruangah a si tiin Joe Biden cu bia chim lo ding mi a chim caah Joe Biden ruangah lawngte a si tiin Joe Biden an puh cang.

A luancia zarh ah, ABC News ABC’s George Stephanopolous nih interview a tuahnak ah, fiangtein ka chim duh mi cu, rah ti hla u/I can say quite clearly don’t come over tiin a chim than. DHS, HHS the health and human service pawl nih nan umnak sin in Asylum nan hmuh khawhnak ding lam an kawl piak hna lai tiin a chim

Illegal migrant pawl nih Joe Biden campaign bia le hla kha an philh lo caah atu Mexico border ah US ram chungah lut ding in a rah mi an si. Customs and border protection (CBP) report nih a langter ning ahcun, February thla ah minung 100,000 cu border ah buaipi an rak si cang.

ABC news nih migrant pakhat interview a tuahnak ah a chim mi cu former President Trump kha atu president tuan seh law, US ramchungah lut ding in Mexico border ah ka rah lai lo ti a chim.

Mah bantuk US-Mexico ramri ah buainak tampi a um cang caah Trump nih US himnak caah heh tiah rian ka tuan mi cu Joe Biden nih a hrawk dih, Joe Biden cu US mipi caah zeihman tuah a tim lo tiin heh tiah a soisel ve cang. Credit-RTK

Thawngpang ka tial mi hi source zumtlak mi nih an tial mi lawng ka post tawn. Cu caah thawngpang a hman lo mi le a dik lo mi, mipi sin ah thanh le tial hi kan chin miphun caah thil thalo a si caah tial ka tim lo. Chinpage thazang a ka pe tu vialte nan sin ah lunglawm bia ka chim. Chinpage hi like le follow vun tuah ve law, US thawngpang le vulei cung thawngpang a hman mi ka post mi na rel khawh peng lai. By-ChiefEditor

Be the first to comment on "Joe Biden a chir tuk chan. A bia a let than cang. Trump nih ceilak in a nihsawh"

Leave a comment

Your email address will not be published.


*