Joe Biden a mualpho, a umnak buu Bishop Rick nih bia halnak a tuah cang; US a hninh bak ko

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Joe Biden hi Roman catholic buu ah a um, Roman Catholic zum ning a cun nauhrawh/abortion hi sian a si lo, Bible nih a cohlan lo mi le duh lo mi a si tiah an zum.

Natein Roman Catholic zummnak a tlaih mi, Roman Catholic ah a um mi, Former Vice President Joe Biden, Democrat lei in Presidential candidate a si mi nih nauhrawh cu phunlam ding serh a si lai tiah fakpi in a dirpi

Mah kongah hin, Joe Biden cu bia halnak Tennessee Bishop Rick Stika nih a hal. A hal ning a cun, Pathian nih na kong a cei tikah, Pathian hmaiah zeitindah, nauhrawh na duhnak ruang le hngakchia, sual ngei lo mi tampi an thi khawhnak ding caah rian na ttuan nak kongah zeitin na chim lai tiah bia halnak cu Twitter ah nikhat ni/Monday ah a tial

American phunlam ruangah, Pathian cu hngakchia sualnak a ngei lo mi hraw/tha an si mi cu dirkam ding in na sawm lai maw?

A chim chap mi cu, Pathian nih hruaitu tampi le sualnak ngei lo hngakchia a tha tu kongah zeitin dah bia a hal hna lai ti hi thei ka duh bak tiah a chim chap

Bishop nih nih a tial chap mi cu, Pelosi le Biden, catholic a ti ve ve mi, hngakchia, nu pumchungah a um mi, thlarau a ngei cang mi le fak a thei khawh cang mi hi Pathian nih a dawt hna lo maw? zumnak in mah bia halnak i ruah ti tuah hna u si. Source-Breitbart

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Joe Biden a mualpho, a umnak buu Bishop Rick nih bia halnak a tuah cang; US a hninh bak ko"

Leave a comment

Your email address will not be published.


*