Joe Biden a mualpho cik cek, a umnak buu RC hruaitu nih ceilak in a phomh cang

Tu lio thawngpang a lar ngai mi le mi nih an cei ngai mi pakhat a si cang. Joe Biden le Nancy Pelosi cu ceilak in mualpho an si cang. Mah bantuk a si a cun Catholic tampi nih an vote lai lo ti a fiang cang. A ruang cu Catholic an si i, natein Catholic duh lo bik mi kha an fakpi in an uapi i, upadi ah ser an duh caah a si

A linsa chin lengmang ko, Joe Biden a mualpho tak tak cang hi, Catholic zumtu tha kan si tiah Nancy Pelosi he fakpi in an chim. Catholic hruaitu nih fakpi in an phomh hna i, Catholic zumnak nih a cohlan lo mi kongah an buai tak tak cang

Mah Chinpage ah US thawngpang nifatin 4/5 ka ttial peng, US thawngpang a thar mi poah rel na duh a cun mah Chinpage hi Like/follow vun tuah law, ni fatin US thawngpang 4/5 na rel khawh peng lai tinak a si

Joe Biden hi nau hrawh a duh mi a si. Mah a zum ning hi fakpi in a aupi i, a dirpi ngai. Amah le Nancy Pelosi hi Catholic, Democrat party ah hruaitu, nau hrawh a duh bik mi an si.

Nau hrawh an duh caah Catholic a si mi nih cun an cohlan lo ngai mi a si. Bishop of Knoxville nih Joe Biden cu ceilak in a phomh cang. Aruang cu Pope Francis nih nauhrawh kongah zeihman a chim bal lo tiin, Nauhrawh kongah an mah nih thiam cohternak ding caah an hmang

Mah bantuk in Biden nih Pope Francis nih a chim bal lo tiah a tlaih i, fakpi in a uapi tawn caah Bishop Rick Stika nih Twitter ah ceilak in Biden le Nancy cu a phomh hna.

Twitter ah a tial mi cu ” Mr. Biden le Nancy caah ca ka ttial duh mi cu, An pahnih in Catholic zumtlak kan si a ti mi nih Pope Francis nih a chim bal lo tiah an nih tlaih mi hi a si

Cun Pope Francis nih nuahrawh kong a chim mi, kum 2014 a chim mi cu a vun langter/ttial chap. “Vanchia ngai mi thil cu, rawl kan kan hlonh mi le thil kan hlonh mi lawng si ti lo in,

minung zong nih an mah nih bantuk minung a si mi zawng an hlonh cang hna i, minung ah an rel ti hna lo” tiah Pope Francis nih a chim mi kha a ttial chap

Pope Francis nih nauhrawh kha a huat ngai mi le a duh lo ngai mi a si, a chim ning ah cun “fahnak inter/ le thil tih nung tuk mi lainawn, tiin a chim tawn tiah a tial chap.

Bishop nih a chim tthan mi cu, Mr. Biden nih Catholic zumtu tha ka si tiah a chim mi hi ka thei thiam lo, Catholic zumning tampi a zum lo i, a hlei in hngakchia cungah thil thalo tuah le nau sualnak a ngei lo mi, nu pumchungah um mi hrawh a cohlan tthan tung i, tiin a ttial. Credit-Breitbart

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden a mualpho cik cek, a umnak buu RC hruaitu nih ceilak in a phomh cang"

Leave a comment

Your email address will not be published.


*