Joe Biden a mualpho hram a thawk ve cang; Trump nih tei cik cek ko seh

Joe Biden nih 1990 hrawngah anmah sin riantuantu Tara Reade timi nu cu tlaihhrem a rak timh rua. Tara Reade nih a phuan ngam lo caah a nu nih CNN anchor Larry King sin ah zetindah kan tuah lai? tiah ruahnak a rak hal ti a si. Mah kong hi CNN nih an theih hmasa bik nain an phuang duh lo. Joe Biden President sinak caah dohkhantu a si sual lai ti an phan caah a si kho. Fox News nih a chim pah lengmang hnu ah tuchun lawngah CNN nih an van chuahpi ve. A lungloh si, a kum khua upat si, ni khat ah suimilam 10 tal a ih lo ahcun a ih hmu ku pengmi, idea thar ngei lomi, Obama idea a hrawmmi nih US President tuan ding cu chengpalang ah a kan tlakpi sual te hnga maw? Salai Lairamthang

Tu tiangah US ah a thimi, minung 55519 an si. Nizan ah minung 1271 an thi chap. A zawmi 987590 an phan. Nizan lawngah a zawmi, 27065 an i chap. August thla thawk tiang ahcun minung 60000 renglo cu an thi kho lai tiah ruah a si. Tutiang ah zawtnak a chek cangmi mi 5 milion renglo an si cang. Minute 15 a raumi, Virus icheknak thilri a um cang caah nifatin minung a sing in an chek khawh hna. Antibody testnak zong New York ahcun an hman cang.

Nizan tiangah adam thanmi, 118781 an si. Nizan ah a dam thanmi minung 619 an si. New York khua lawngah a thimmi minung 21908 an si. New York khua pakhat lawng i a thimi minung hi US ram pumpi a thimi 40% tluk a si. US um Laimi zong a zawmi tam ngai dawh kan si. Indianapolis ah hin a tlawm lei ah minung 40 cu zawt dawh an si. State dang tete zongah a zawmi an um len. A zawmi mi tam deuh nih an chim duh lo caah zeizet azaw mi an si timi theih a har ngai. Washington D.C Area um, Chin miphun chung in Tedim lei kan unau minung 20 an zaw ve. Hakha lei a zawmi kan hngal kho rih hna lo.

State 17ah on hram an thawk. Pennsylvania, Virginia le Vermont ahcun dinhdorhnak an tuah cang. Arkansas, Iowa, Nebraska, North Dakota, South Dakota, Utah, Wyoming ahcun stay at home an tuah ti lo. Oklahoma, Colorado, Georgia, South Carolina, Tennessee and Texas ahcun a cheu bang in on hram an thawk. State tam deuh cu White House Coronavirus Task Force hna nih an tuahmi guideline phase one in an thawk.

Asinain Georgia nih phase one nak sang in on an timh caah President Donald Trump nih spa, salon, tattoo dawr le sanmehnak dawr pawl cu on rih lo dingah ralrinnak a pek hna. Chicago, Boston le Philadelphia atu lio ahcun a zual biknak, hot spot an si. Tu thla dih cun state tam nawn nih on an timh. Kanmah umnak Maryland zong May thla thawk in cun zeimawzet on dawh a si.- Salai Lairamthang