Joe Biden admin nih ngaihthiam an hal mi cu Emal Ahmadi nih a cohlan kho lo

Joe Biden President a vun tuan mi cu US caah mualphonak lawngte si cang ko. Afghan ah heh tiah mual a pho cang i, European Union nih Joe Biden an zum ti lo caah an mah in raltak ser ding in lam an kawl cang fawn (European Union President bia chim mi fiangtein mah chinpage ah rak tial cang kha, a rel than duh mi nan um ahcun mah Chinpage ah kal i rel khawh si lai)

August ni 29 ah, US central Command pawl nih Hellfire hmangin Civilians chungkhar pakhat ah minung 10, Hngkachia tel i, 7 hna cu celika in an kah hna kha.

Atu cu, US nih September Ni 18 ah khan, tuah sual mi a si ti Centcom hotupa McKenzie nih a chim i, ngaithiam halnak zong a chim chap.

US intelligence pawl nih ISIS-K kutah US ralkap minung 13 le civilian minung 170 cu an rak kilven khawh lo i, ISIS-K bomb blast ah an thi. Atu US nih ngaithiam halnak a chim mi kongah, chungkhar pakhat, minung 10 an tha mi hna hi US intelligence pawl palh ruangah a si i. Natein US nih kan nih palh lo,

Thatein confirm kan tuah hnuah le ISIS-K an si ti fiangtein kan thei hnuah kan kah mi a si tiin thawngthannak an tuah

Natein Civilian minung 10 a thimi lakah a tel ve mi kum 3 hngakchia pa Emal Ahmadi nih thil sining zeipoah a chim hnuah thawngpang a linsa chin lengmang i (Emal Ahmadi bia chim mi zong mah chinpage ah ka rak tial ang kha) atu cu US zong a thup khawh ti lo caah si lai, thil sining dihlak an vun langter cang i,

chungkhar sin ah ngaithiam halnak bia an vun chim than mi hi a si. Natein Emal Ahmadi nih lehnak a tuah cawlh i, mah bantuk in ngaithiam hal mi hi ka cohlan khawh lo,

mah bantuk in ka chungkhar minung 10 thinak ah tuanvo ngeitu hi kawl si seh fakpi in dantatnak a chungah tuah si seh tiin a chim. Cre-RTK

Kawlram thawngpang….Mawrawady SAC Navy Ralhrang Camp In Ralhrang 7 An Zaam. Tanintharyi Ramtthen Yeaphyu pengkulh chung ummi Mawrawady Navy Ralhrang camp in ralhrang 7 an zam tiah a zammi ralhrang 7 humhimnak a bawmtu pakhat sin in theih asi.

Hi a zaammi ralkap 7 hna cu  Mawrawady Navy kuttang in Maungmakanboh timi tikulh ah ttuanvo ngeimi hna an si tiah theih asi.

”Hi hna 7 hi September 15 khan an zaam cang i a tu ahcun humhimnak hmun an phanh cang caah ka lung a dai ngai ”tiah a bawmchantu hna pakhat nihcun a chim.

”Uniform le Hriamnam belte cu an i zampi kholo civil thuam le hriamnam lo te’n humhimnak hmun an panh ko ” tiah a chim chap. Thaway pengkomh chung in ralhrang a zammi hi a tlawmbik 50 tangttum lo an si cang tiah theih asi.

Mawrawady Navy in a zammi hi 20-30 tluk an si cang i cu chung ah ”Runham” rank a si cangmi pakhat ai tel tiah ”The Tanintharyi Times ” nih cun a ttial.

Min Aung Hlaing Myitgyina A Phan. Mino Cheukhat Nih Sandah An Piah Hnawh. Kachin ram Myitgyina khua ah SAC lutlai Min Aung Hlaing cu September 18 ah a phan ti

thawngpang theih in Myitgyina khuachung cu biatak tein ralhrang nih humhimnak an lak tiah theih asi. ”Khuachung ah ai chokmi minung paoh mask ai huhmi an phoih ter hna i an chek hna mask ai huh lomi mask an huh ter hna tiah khuami pakhat chek a tongmi nihcun a chim.

Cutluk in an chek lio le an i ralrin lio ahcun Myitgyina pengkulh Sianghngakchia bu nih Myitgyina khua Manaw certual ah Ralkap uknak duhlonak an langhter tiah theih asi.

”Ksn ttih nemmam lo SAC si hna seh midang zong si hna seh mithah lainawn le sual paoh cu kan doh peng hna lai .Min Aung Hlaing a phan ti kan theih caah Kachin Myitgyina minung pawl hi ttih an ngei lo ti langhter nak ah kan tuahmi si ” mino pakhat nihcun a chim. SAC lutlai Min Aung Hlaing cu Myitgyina khua ah ni 2 a caam lai i ramri hngak ralkap BGF le pithuhsit( People Militia ” hna hr tonnak an ngei lai tiah theih asi. BBC

Be the first to comment on "Joe Biden admin nih ngaihthiam an hal mi cu Emal Ahmadi nih a cohlan kho lo"

Leave a comment

Your email address will not be published.


*