Joe Biden caah mangchia tak tak si; A zum ning bantuk in thil a si ti lo; Trump caah thawngtha bak si cang ko hi

President sii khawhnak ding caah a her ngai mi pakhat cu minak/black le Latino pawl hi an si. Democrat pawl teinak an hmuh tawnnak ruang bik pakhat cu minak pawl le Latino pawl ruangah a si. An mah US mi, White hrim hrim nih cun Republican lei hi thazang an pek deuh tawn

Mah Chinapage ah hin US thawngpang ni fatin 4/5 ka ttial peng caah, US thawngpang ni fatin 4/5 rel na duh a cun mah Chinpage hi like/follow vun tuah law, ni fatin US thawngpang na rel khawh peng lai tinak a si

Trump nih minak le Latino pawl caah rian tampi a ser piak caah minak (afim mi le mitha) le Latino (mitha le afim mi) nih vote an nih tim thluamah cang. Latino pawl nih Trump cu fakpi in an vun dipi cang i, a hlan nak in tam deuh in vote an nih tim ti si cang

Mah bantuk in Latino pawl nih bia le hla an vun ngei ve cang caah Joe Biden le Democrat pawl caah cun thawngchia ngai a si cang i. Joe Biden nih a ruahchan ngai mi hna cu minak le Latino pawl hna hi an si

A voihkhatnak ding caah Emerson University August 30 le August 31 ah minung , vote registered a tuah mi 1,576 sin ah surveying an tuahnak ah Latino 37% nih Trump kan vote lai an ti i, 60% nih Biden kan vote lai an ti

Cun Quinnipiac University zong nih Latino sin ah polls an tuah mi ah 36 percent nih Trump kan vote lai an ti i, minung 56 percent nih Joe Biden an ti. Mah hi August 28 in 31 ah minung 1,081 surveyed an tuahnak ah a si

Pew Research study released nih August thla cheu ah an langter mi ah cun 35 percent nih Trump an duh i, Biden’s cu 63 percent nih an duh tiin a tial

Kum 2016 thimnak zoh a cun Latino minung 28% nih Trump an vote i, Hillary Clinton kha 66% nih an vote ti a si. Obama kha Latino minung 71% nih an rak vote

President si khawhnak ding caah aher ngai mi State, Florida ah nihnih ni/Tuesday ah Maris College nih poll an langter mi, August 31 in September 6 tiang polls an tuah mi ah, Florida state ah Latino um mi 50% nih Trump an duh i, 46% nih Joe Biden an duh ti in alangter

Kum 2016 President thimnak ah khan, Latino nih Hillary nih 62% an vote i, Trump cu 35% nih an vote. Mah bantuk a si ah cun Trump caah thawngtha a si i, Democrat/Joe Biden caah cun thawngchia bak si cang tinak a si.

Aruang cu Joe Biden nak in Hillary nih Latino pawl vote a hmuh tam deuh tinak a si. Natein Hillary nih Trump a tei lo. Trump nih Hillary a tei caah, atu cu Latino lakah Trump duh mi an tam deuh cang. Credit-Breitbart

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden caah mangchia tak tak si; A zum ning bantuk in thil a si ti lo; Trump caah thawngtha bak si cang ko hi"

Leave a comment

Your email address will not be published.


*