Joe Biden caah thawngchia bak si cang ko, Democrat party chungah buainak a um

US Presidential Election race cu a linsa tuk cang, Joe Biden nih Vice President caah Kamala Harris a thim hnuah Democrat tampi, nau hrawh a duh lo mi nih fakpi in an soisel.

Aruang cu Kamala Harris hi nau hrawh a duh tu pakhat a si ve caah a si. Joe Biden nih Kamala Harris Vice President caah a thim hnuah President Trump nih a soisel cawlh i, Liberal bik mi a si ‘ The most liberal” tiin

Democrat party chungah hin nau hrawh duhtu le duh lo tu an um i (Pro-Abortion le Anti-Abortion). Democrat nau hrawh duh lo tu pawl nih Joe Biden an vote lai maw vote lai lo ti cu tu tiang biakhianak an tuah khawh rih lo. Mah kong hi Chinpage ah ka ttial cang kha. Arel duh mi caah cun kawl i rel khawh a si

Democrat convention a um ding mi ah, Democrat pawl, nau hrawh a duh lo mi nih an kalning thleng an duh cang, a ruang cu Democrat hruaitu tampi hi nau hrawh a duh mi an si cang caah, mah bantuk in an kal ning an thleng lo ah cun Democrat nau hrawh a duh lo mi state tampi nih, November election ah Republican Candidate Trump an vote dih lai tiah an chim

Louisina Gov. Jonh Bel Edwards le Democrat tampi nih ca an ttial mi cu, “Democrat a si mi tampi nih Republican lei ah mee an pek ding mi lam kan ser piak din a si lo tiah min thutnak an ngei hnuah Democrat hruaitu sin ah ca an kuat hna

Ca an kuat mi ah cun Nau hraw a duh lo mi pawl caah hmunhma kan ser piak hna a hau. Democrat phunglam 2000 ah kan ral ttial mi cafang tampi kan thleng a hau cang. American mipi tampi nih nauhrawh kong ah kan hmuh ning le ruahning a khat ti lo caah tiin

Democrat hruaitu tam deuh hi nauhrawh a duh mi an si caah, mah bantuk convention ah hin nau hrawh a duh lo mi pawl nih hruaitu an ttuan ve khawhnakd ing caah le, cun Democrat National Committee nih nau hrawhnak ding caah US mipi nih taxes an pek mi kha hmangding in hnatlaknak an rak ngei pawl hna cu nau hrawh a duh lo mi nih an cohlan ti lo.

Mah bantuk Democrat party chungah hmuh ning le ruahning a khat ti lo caah President a cuh ding mi Joe Biden caah cun thawngchia ngai a si. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden caah thawngchia bak si cang ko, Democrat party chungah buainak a um"

Leave a comment

Your email address will not be published.


*