Joe Biden campaign manager a lungreithei ngai; Trump caah thawngtha ngai si than hoi

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

US thawngpang nih vawlei a hninh lio a si caah  US presidential lawngte ka ttial caah ca reltu tampi nih nan ka thei thiam ding in zaangfah kan hal hna. US President hi Pathian tangah um mi a si. Vawlei ah nawl a ngei bik mi a si tiah ti mi a si caah

US Presidential Election cu vote thlak a si cang. Tu hi minung 22 millions leng nih vote an thlak cang tiah thei a si. Atu dirhmun zoh a cun, mah bantuk in vote a thlak hmasak tu pawl hna hi Democrat lei kap deuh an si ti a si.

National Polls ah Joe Biden nih double digits in Trump a tei. Natein Polls ah Trump an tei ko nain Biden Campaign nih cun teitu kan si lai tiah an nih zumh kho bak lo. Joe Biden Campaign manager nih cun, Donald Trump an tei lo tuk caah Democrat pawl hna cu um sawh sawh lo ding in bia a ca hna

Jen O’Malley Dillon nih, MEMO ah Joe Biden supporter nih Donald Trump nih teinak a hmuh lai/Donald Trump can still win this race’ tiah ca a kuat. Politic ah cun teitu le a sungh ding mi kong hi vote rel hlan cun chim kho a si lo

Joe Biden campaign manager Jen O’Malley Dillon nih, “Donald Trump nih teinak a hmuh khawhnak ding caah Election caan te ah chance tha tuk mi a ngei tiah a chim.  Tu zarh hrawng cu Joe Biden a mualpho ngai.

Mainstream Media le Hitech company pawl nih Joe Biden fapa Hunter Biden fapa kong hi thup i tim hna hman seh an thup kho ti lo. Dillon nih cun Trump nih teinak a rak hmuhnak Arizona State ah Joe Biden nih Trump a tei lai tiah a chim. National Polls level ah teitu si hi Election ah teitu a si lai tinak a si lo.

Trump thawngpang nih US a hninh, Campaign rally ah minung an tam ning cu khuaruahhar bak a si. Joe Biden rally ah minung 50 leng an um bal lo. Trump caah thawngtha bak si Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Joe Biden campaign manager a lungreithei ngai; Trump caah thawngtha ngai si than hoi"

Leave a comment

Your email address will not be published.


*