Joe Biden cu a mualpho bak hoi cang; USA ah Chin um mi nih mah bantuk hi nan vote duh lai maw

Obama nih Biden Bia Tamtuk Chim Lo Dingah Ralrinnak Pek… Democratic Party tuanvo ngeitu hna nih The New York Time ah fiang tein an chimmi cu, President hlun, Obama nih President a cuh dingmi, Joe Biden cu tawi tein biachim ding, tawi tein catial, tweets tuah ding le interview ah tawite lawng in biachim dingah ruahnak a pek an ti.

Joe Biden cu Obama nih a hnulei in a tlaihmi a si tiah voi tampi thawngpang a chuak bal. Tutan democrats pawl nih fiang tein an chimmi nih Joe Biden cu Obama nih a hnulei in a tlaih ko timi a fianternak a si an ti.

Joe Biden a lungloh tuk cang caah Interview le bia a chim caan poah ah a palh lengmang. A biachim mi hnu le hmai a hngal kho tuk ti lo, a biachim mi a cawh pawlh lengmang caah atu bantuk in Obama nih bia tampi chim ti lo dingah ralrinnak a pek hi a si lai an ti.

Main Sream Media, CNN, MSBC, ABC le Washington Post tibantuk pawl nih Joe Biden cu opinion poll ah teinak an pek lengmang nain a taktak an zum ngam hna lo. A lungloh a thlah phoih sual lai ti an phang.

Mah ruangah a ttanhtu pawl an sivang ngaingai ti a si. Donald Trump he debate tuah tik ah biachim a palh sual lai i amual a pho sual lai ti an phang ngaingai. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden cu a mualpho bak hoi cang; USA ah Chin um mi nih mah bantuk hi nan vote duh lai maw"

Leave a comment

Your email address will not be published.


*