Joe Biden cu a mualpho chin lengmang cang; Bia dik chim ding in mipi nih an ti cang

USA President Election boruak a um pa lengmang cang, Coronavirus ruangah an duh ning bantuk in Republican le Democrats pawl nih rian an ttuan kho bak lo.

Online in le Social Media hmangin fakpi in Presidential Candidate asi ve ve mi cu an nih phomh thluamah cang

USA President si ding ah cun zeihman zawtnak a ngei lo mi kha thim an hau. Ngandamnak lei ah soiselnak a ngei lo mi kha mipi nih an duh bik mi a si. Mah bantuk in thil a si lio ah, tu hrawng cu Presidential candidate Joe Biden cu a bia chim mi ah a pal mi a tam tuk i, chim ding mi chim lo in, chim lo ding mi a chim mi a tam tuk fawn caah Obama nih bia tawite in chim ding in a tinak kong kan ttial cang.

Biden cu voitampi a mualpho caah USA mipi nih an hmuh ning poll lak a si. Minung 1000  sin ah Joe Biden an hmuh ning an halmi kongah Joe Biden dirhmun cu mah bantuk hi a si. Democratic party in president a cuh dingmi Joe Biden cu thluak hman lo zawtnak a ngei lai tiah 40% nih an zumh.

Poll an laakmi, 60% nih Dementia zawtnak a ngeih le ngeih lo hi mipi sin ah thimnak tuah hlan hrimhrim ah fiang tein a chim ding si tiah an ruah.

Joe Biden hi Cognitive timi thil theih khawhnak le I chingchiah khawhnak a ngei tuk lo tiah an zumh. Biden nih tuchun ah “ka Cognition a ttum le ttum lo a herh ahcun ka chek lai” tiah a chim. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor