Joe Biden cu a phisin kho ti lo, A bia chim mi hmang in heh tiah amah tu an phomh cang

Comment an tial mi pawl cu a fak tak tak. Joe Biden hi lih chim hman tak tak mi cu a si tiin le, US president lakah tuan bia chia bik mi a ngei mi a si tiin heh tiah an phomh ve cang

Joe Biden sunglawi ngai in rian a thawk ni (inauguration) a tuah nih ah US mipi sin ah biakamnak a tuah i, biakamnak a tuah mi cu US mipi nih an philh lo, heh tiah a zoh peng. Atu cu thil sining a vun lang thluamah cang

January inauguration ah Joe Biden nih a chungkhar, pakhat hman, ramdang company he business ah pehtlaihnak an ngei lai lo tiin biakamnak a tuah kha

A chim ning a cun, Ka chungkhar pakhat hman nih Foreign firm etc ah rian an tuan lai lo” tiin a chim. Natein a fapa Hunter Biden cu, Chinese investment firm ah 10% share a ngei ti thei a si cang

Hunter Biden cu Bohai Harvest RST (Shanghai) Equity Investment Fund Management Co he pehtlaihnak a ngei ti lai lo tiin amah nih a chim

White House Press Secretary Jen Psaki nih Friday ah a chim mi cu, Joe Biden fapa Hunter Biden nih ramdang/China he investment a ngei mi vialte cu dawngter nak lam a kawl lio a si tiin a chim

Joe Biden nih November election hrawng ah khan “Ka chungkhar a ho hman nih, White House ah  office pakhat hman an ngei lai lo tiah a chim, foreign corporation / foreign country he rian tuan ti nak an ngei lai lo.

Ka fapa, ka chungkar, a ho poah nih buainak um kho ding mi kong he pehtlaih in office an ngei ding a si lo tiin a chim

Hunter Biden Ukraine Bursima le China etc company he rian an rak tuan ti mi kongah 2020 Presidential campaign lio ah heh tiah soisel le thangchiat a rak si,

Joe Biden nih ka fapa hi ramdang he pehtlaihnak pakhat hman a ngei lo tiin a rak chim tawn. Atu cu an mah chungkhar lilah nih thil sining vialte cu an langter dih cang.

Kum 2013 ah Hunter cu BHR he rian an rak tuan ti. BHR hi Bank of China, funded a si. Mah hi Joe Biden Vice President a rak si lio a si. Source-Theepochtimes

Be the first to comment on "Joe Biden cu a phisin kho ti lo, A bia chim mi hmang in heh tiah amah tu an phomh cang"

Leave a comment

Your email address will not be published.


*