Joe Biden cu Senate minority leader nih a phomh cang. Joe Biden thil tuah ning cu a mak tuk cang

Joe Biden thil tuah ning cu a celh bak ve ti lo si lai, House ah heh tiah a rak dirpi ngai mi kha a tu cu a vun soisel than cang. Senate Minority Leader Mitch McConnell nih President Joe Biden cu executive order min thutnak a tuah mi a tam tuk cang caah heh tiah a soisel cang.

Amah hi House ah Republican lei in Joe Biden a dirpi hmasa bik mi a si. Joe Biden cu President a si tiah Republican lawmaker pawl hna cu electoral college tuah lo ding in heh tiah a ti hna kha

Mitch McConnell nih a ti ning a cun, President Joe Biden cu executive order min thutnak a tuah mi a tam tuk cang, Dictator bantuk in rian tuang a tim cang tiin Joe Biden thil tuah ning a cohlan ti lo ning a chim ve cang

Zarhkhat chungah ah Executive order 30 leng ah min thutnak tuah cu, Mah bantuk in thil a tuah mi hi zeidah ruang a si. Zeitindah American mipi hna hi kan kal lai?

House Speaker Nancy Pelosi nih Trump president a rak tuan lio ah nauhrawh le thildang dang ah a rak phih mi pawl cu Joe Biden nih a hlawn dih cang caah thawngtha tuk mi a si, Joe Biden nih mah bantuk in thil a tuah ruangah kan nih lawm tuk cio tiin a chim

Media pawl nih Joe Biden le Trump kongah an lungput…Biden thil tuah ning bantuk in Trump nih tuah seh, Mainstream Media pawl nih ceilak in an tial lai i, soiselnak le thangchiatnak kong longte hmuh a si lai, tiah comment ah heh tiah an tial cang

Joe Biden cu zarhkhat lawng President a tuan bak in Executive order 40 leng min thutnak a tuah cang. Amah Joe Biden lilah nih a rak chim cang kha.

Trump President a si li ah Ni hnih hnuah Executive order min thutnak a tuah li ah Joe Biden nih a chim mi cu, Dictatorship thil tuah ning a si tiin a soisel kha.

Natein atu cu amah tu lilah ceilak in mualpho in a tum than hoi cang. Amah dirpi tu Mainstream Media pawl zong an celh bak ti lo si lai, The New York Times nih Joe Biden cu a vun soisel ve cang i.

Zarh khat chungah Executive order minthutnak 40 leng a tuah mi cu an cohlan bak ve ti lo. Heh tiah an soisel ve cang. The New York Times nih, Op-ed ah Joe Biden a thil tuah ning cu i sum deuh ding in an ti.

Mainstream Media pawl zong nih a thil tuah ning hi an cohlan ti lo, natein an soisel duh lo. ruang cu Trump kha heh tiah an rak soisel tuk i,

Joe Biden thil tuah ning hi an zoh i an soisel than a cun Trump caah thawngtha a si lai ti kha an duh lo caah Joe Biden soisel an duh ngai na in an nih sum tiin thawngthei a si

Mah bantuk in The New York Times (Ahlan ah Biden a rak dirpi ngai mi) nih Joe Biden executive min thutnak kongah an soisel mi cu

White House Communications Director Kate Bedingfield zong nih New York Times Op-ed hi vun soisel than i,” NYT ed board hna nih, President Biden Executive order an vun than chiat than hoi,

Trump nih a tuah sual mi pawl serthan nak ding caah minthutnak a tuah mi asi tung. Election primary ngei lio ah khan, an amh pawl (Media pawl a chim duhnak) nih Trump Administration

Executive action rem than ding in a forh tu hna kha an si lo maw.President nih hin Trump Executive order  kha a rem than le si ko, America a rawk ding mi vennak ding caah heh tiah rian kan tuan ruang ah si ko tiin lehnak a tuah hna. Source-RTK

Be the first to comment on "Joe Biden cu Senate minority leader nih a phomh cang. Joe Biden thil tuah ning cu a mak tuk cang"

Leave a comment

Your email address will not be published.


*