Joe Biden cu zumnak ah a unau a si mi, Catholic nih an uar tuk mi nih Ceilak in aphomh cang

Tu lio US thawngpang cu ngai a nuam chin lengamgn cang. Ka chim cia bantuk in US hi vawlei super power ram a si caah, President thimnak kongah hi cun Vawlei cung ramkip nih an zoh mi le a ho nih dah teinak a hmuh lai an zoh peng mi a si

Aruang cu President policy nih vawlei cung ramkip hi thleng khawh a si caah a si. US nih a ti mi poah le a kal ning bantuk in ramdang zong nih an zulh lengamgn ve caah si.

 

US President Foreign policy nih zeibantuk vawlei cungah thil tha a chuah pi lai i, zeibantuk ram nih harnak, buainak an tawn lai ti kha a luancia thil zoh ah cun fiangtein thei le hmuh khawh lengmang a si

Mah Chinpage ah ka rak tial cang bantuk in, Joe Biden hi R.C a si, amah hi nudawk padawk, nau hrawh ti policy a cohlan mi a si caah R.C zong nih an duh lo ngai mi a si. Dallas Pastor zong nih a rak chim cang, mah kongah fiangtein, R.C nih Bawipa zanriah an eiter duh lo mi a si tiin

 

Kan thei cia bantuk in White House pawngah RC Biak inn cu Black Lives Matter pawl nih mei in an khangh kha. Trump nih a thei cangka in Biak inn ah a va kal i, Bible he hmangthlak nak a vun ngei kha.

Mah kongah tu tiang  Joe Biden nih zeihman a chim duh lo, mah bantuk in thil thalo a tuahtu hna soiselna le mawhchianak kong voihkhat hman a chim duh lo caah RC hruaitu pawl zong an thin hun ngai cang

CatholicVote President Brian Burch nih nili a chim mi cu, US ram hmun dang dang ah Catholic Biak inn cu mei in khangh a si. Mah kongah hin Joe biden nih tu tiang zeihman a chim duh lo.

Democratic party nih Catholics hi a kan doh, mah bantuk in Democrat pawl nih an doh i, zeihman an chim duh lo caah tu cu US ram chungah thil a dawh mi hrawk le buainak ser an chuapi lengmang cang tiin a chim. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden cu zumnak ah a unau a si mi, Catholic nih an uar tuk mi nih Ceilak in aphomh cang"

Leave a comment

Your email address will not be published.


*