Joe Biden le Chris Wallace mualpho bak in an um cang. Democrat mangchia a si cang

Tu lio US ram chungah thawngpang a linsa ngai mi pakhat cu Debate voihkhatnak kha a si. A zoh mi an tam bangtuk in chim Debate kha chim tlak a um lo tiah mi tampi nih an chim. Debate voihnihnak le voihthumnak cu phunlam thlang a si cang

Debate voihkhatnak an tuah mi a khan, hruaitu/moderator nih Joe Biden lei a dirpi tiah mi tampi hmuh ning a si caah voihnihnak le voihthumnak Debate ah Chris Wallace cu moderator ttuan ter a si ti lai lo tiah Debate tawlreltu nih an chim.

Mah bantuk in Joe Biden a dirpi mi thleng a si lai caah Joe Biden caah a pawi ngai tiah mi tampi nih an hmuh. Mah bantuk Debate tawreltu lei nih phunlam an thleng hnuah Chris Wallace cu debate moderator ttuanter a si ti lai lo tiah an chim mi ruangah Democrat/left pawl an lau ngai

Phunlam thar an ser mi cu, mi pakhat bia chim lio ah midang nih buainak maw, hnahnawhnak a tuah lai lo, a tuah a cun microphone off piak a si lai.

A voikhatnak Debate kha Republican lei chim ning a cun Trump nih Joe Biden le Chris Wallace kha Debate a tuah pi hna. Moderator Chris Wallace thil tuah mi kha  ahman lo tiah fakpi in soisel le thangchiat a si

Hollywood star tampi nih Chris Wallace cu ceilak in an phomh. Mah bantuk vawlei mipi nih a zoh mi Debate ah pakhat lei dirpi in pakhat lei mah bantuk bia halnak tuah i,

daiter a tim lengmang mi kha thil sining a si lo tiah an thinhunnak fakpi in an chim i, Chris Wallace cu nazang tiah ceilak in an phomh. Credit-Breitbart

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden le Chris Wallace mualpho bak in an um cang. Democrat mangchia a si cang"

Leave a comment

Your email address will not be published.


*