Joe Biden nih lih a chim kho ti lonak ding caah tehte fiang tuk mi fox News nih a langter cang. US mipi an lau bak ko

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Early vote an ti mi cu thlak a si cang. Vote thlanak caan bik cu November 3 a si lai. Trump le Biden cu ceilak in campaign an tuah thluamah ko. An bia le hla zong ngai a nuam chin lengmang cang.

Mah Chinpage ah voih tampi ka ral ttian cang mi, Joe Biden le a fapa le ramdang company he US cozah nih a siang lo ningtein rian an rak ttuan nak, Laptop in an hmuh mi kongah, Joe Biden nih zeihman ka thei lo tiah a thup peng mi kong

Atu cu lih le ka thei lo tiah a thuk kho ti lo. Delaware computer repair shop, Hunter Biden Laptop remhternak ah a ngeitu min thut/sign ah Joe Biden fapa, Hunter Biden min a um ti fiang cik cek in langter a si cang

Mainstream Media, Democrat lei a dirpi tu lei nih an langter duh bak lo mi cu Fox News nih fiang cik cek in a vun langter cang. Democrats nih Mainstream media pawl hna cu an tangah an chia/Control ngai, natein a dawngnak a cun thil sining cu mipi thei ding in a vun lang cang

“The Mac Shop” Wilmington, Delaware ah hin MacBook Pro laptops 3, Hunter Biden min sign/thut mi hmang in a lut “bill to” section ah $85 , Joe Biden fapa Hunter Biden signature a um tiin Fox news nih a langter/verified cang.

Fox news nih FBI paper works bantuk a ngei, FBI nih Laptop remhnak dawr ngeitu, John Paul Mac Isaac, “The Mac Shop” nih a thil hmuh mi vialte FBI sin ah a chim dih cang. Isac hi U.S. District Court Delaware ah Dec. 9, 2019,  Documents a ngei mi vialte he court ah a kal lai.

Biden fapa Hunter Biden laptop kongah, Biden caah tangka million 100 hluttu Steve Banon, Trump Advisor arak si cang mi, Trump nih a phuah mi nih, fiangtein a chim mi cu, Joe Biden le a fapa Hunter Biden kong tu lio a lar ngai mi hi a hman mi a si tiah a chim. Source-Foxnews

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Joe Biden nih lih a chim kho ti lonak ding caah tehte fiang tuk mi fox News nih a langter cang. US mipi an lau bak ko"

Leave a comment

Your email address will not be published.


*