Joe Biden thil tuah mi cu Trump caah mangchia bak si ko. Zeitindah si cang lai?

Mah bantuk in Joe Biden nih thil a tuah ah cun Trump cu a tei cang ko lai lo maw tiah mi tampi nih an zum ning an chim thluamah. President Trump bantuk in Joe Biden nih thil tuah a tim ve cang.

Former Vice President Joe Biden nih Coronavirus pandemic, American economy a chia lio caan cu caantha ah hmangin President dohnak caah le soiselnak caah fakpi in a hmang.

Trump bantuk in “America first policy’  $700BN ‘Made in America’ stimulus plan , economy sertthannak caah tiah President a si ah cun a tuah ding hmasak bik mi cu a phuan.

Biden nih a chim ning ah cun President Trump nih working-class Americans pawl hna cu zei ah a rel lo tiah a chim i, American products & research thawnternak ding caah $700 billion economy plan cu mipi hmuh khawh dingin a langter cang

Mah deal thar hi Build Back Better’ plan ti ah au a si, World War II hnu ah American economy plan tha bik a si lai. “Donald Trump rian ttuan that lo ruangah Coronavirus in USA mipi tampi an thi, Economy nih fakpi in kan tuar.

American working families nih Trump administration rian ttuan thatlo laksawng kan hmuh lio a si. Donald Trump nih Americans pawl zaangfah ruangah thiltha kan hmuh lai tiah a zum maw? kei nih cung ka zum lo.

Health crisis, economic crisis, racial justice crisis, climate crisis pawl hna kan tawn lio a si, Americans pawl lungrual tein kan um a her cang. New American, New Economy thar American society caah kan ser a hau cang’ tiin Joe Biden nih a chim. Credit-NY Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Joe Biden thil tuah mi cu Trump caah mangchia bak si ko. Zeitindah si cang lai?"

Leave a comment

Your email address will not be published.


*